Ro

De Vicipedia
Jump to navigation Jump to search

Ro es un lingua construida apriori, creada par la eglesor Edward Powell Foster, comensante en 1904. Foster ia vive de 1853 a 1937 en Marietta, Ohio. Lo ia es enterada a lado de sua sposa en la Semetero Riverview en Parkersburg, Virginia Ueste.

En ro, parolas es construida usante un sistem de categorias. Per esemplo, tota parolas cual comensa con bofo- sinifia colores; la parola per roja es bofoc, per orania es bolod e per jala es bofof.

Ro clasi parolas su categorias xef, indicada par un consonante, pe C per cuantia, D per loca, G per cualia, J per relata, etc. Un vocal es ajunta a estas, cual divide la categorias prima entre sinco clases de CV. E un plu consonante es ajuntada, per crea 2000 radises de CVC. La roles de parolas major es alora indicada par ajunta un vocal a la fini de la radis: A per nomes concreta, E per verbos, I per averbos, O per ajetivos, e U per nomes astrata.

Ro usa ance la vocales como inisiales, A per pronomes, E per infletas de verbos, I e O per preposadas (con sinifias oposante), e U per conjuntas. De estas on construi 100 silabas de du leteras per la paroletas de la lingua.

Esta sistem es simil a la "linguas filosofial" sujesteda par Francis Lodwick (A Common Writing, 1647), Sir Thomas Urquhart (Logopandecteision, 1652), George Dalgarno (Ars signorum, 1661), e John Wilkins (An Essay towards a Real Character, and a Philosophical Language, 1668). Otra linguas fundida sur ideas simil inclui solresol, ithkuil e, posible, toki pona.