Rio Amazona

De Vicipedia
Un mapa de la Rio Amazona e sua basin
La rio prosima a Indiana, Peru

La Rio Amazona en America Sude es la rio la plu grande, mesurada par la volum de acua descargada, en la mundo, e par alga definas, la plu longa.

La comensa de la Rio Apurimac sur Nevado Mismi ia es crededa per cuasi un sentenio como la fonte la plu distante de la Amazona, asta un studia en 2014 descovre ce la fonte es la Cordillera Rumi Cruz a la comensa de la Rio Mantaro en Peru. La Mantaro e la Apurimac junta con otra afluentes per formi a Rio Ucayali, cual alora encontra la Rio Maranon. La comensa de la Amazonia propre es asi, o a la conflue con la Rio Negra a Manaus, la site la plu grande de la rio.

La basin de la Amazona es la plu grande en la mundo, con un area de sirca 7,050,000 km2. La parte de la basin sola en Brasil es plu grande ca cualce otra.

Plu ca un tri de tota spesies conoseda en la mundo abita la foresta pluvosa de la Amazona, cual ave un area cual estende plu ca 5,400,00 km2. Lo es la foresta tropical la plu rica en la mundo per biodiversia. Per esemplo, on ave plu ca 3000 spesies de pexes reconoseda en la basin, con plu descovreda cada anio.

En la eda forminte, la sosias amazonan ia es envolveda forte en la emerje de la sistemes de cultiva de la tereno alta de America Sude. La comersia con la sivilias de la Andes prosima a la comensas de la Amazona formida un contribui esensal a la developa sosial e relijial ala. La colonias temprana ia es tipal fundida sur colinas basa o colinetas artifisial.

En marto de 1500, la concistor espaniol Vincente Yanez Pinzon ia es la european prima ci ia naviga en la Amazona. Pinzon ia nomi lo la Rio Santa Maria del Mar Dulce ("rio de san Maria de la mar dulse"), plu tarde cortida a Mar Dulce car la acua cual esflue a la mar ia es ancora dulse. Un otra esploror, Francisco de Orellana, ia viaja a la orijinas de la rios plu alta en la Andes. La nom es de la gerores nativa ci ia ataca sua mision cual ia es per la plu parte femes, cual recorda Orellana de la amazones, gerores femal de mitos elinica.

La concistor Ganzalo Pizarro ia vade en 1541 per esplora la area este de Quito a la interna de America Sude, xercante "El Dorada", la site de oro, e "La Canela", la vale de canela. Natural, ambos es mitos.