Re Charles de England, Scotland, e Er
La Re Charles de England, Scotland, e Er (19 novembre 1600 - 30 jenero 1649) ia es re de England, Scotland, e Er de 27 marto 1625 asta sua esecuta en 1649. El ia nase a en la Casa de Stuart como la fio du de Re James VI de Scotland, ma pos sua padre ia erita la trono engles en 1603, el ia move a England, do el ia spende multe de la resta de sua vive. El ia deveni eritor legal a la renas de England, Scotland, e Er en 1612 pos la mor de sua frate Henry Frederick, la Prinse de Cimri. El ia ave un nonsusedosa e nonpopular atenta sposi a la prinsesa espaniol Maria Anna en 1623. Du anios plu tarda, el ia sposi la prinsesa de Bourbon Henrietta Maria de Frans.
Pos sua transfere de rena en 1625, Charles ia disputa con la Parlamento de England, cual ia xerca limita sua direto reial. El ia crede en la diretos divin de res, e ia es determinada governa par sua propre consiensa. Multe de sua sujetos ia oposa sua politicas, spesial la forsa de imposta sin la consenta de parlamento, e ia persepi sua atas como aceles de un monarca tiranal. Sua politicas relijial, liada con sua sposia a un catolica roman, ia causa multe de antipatia e desfida de grupos reformida e relijiosa como la Puritanes engles e la Covenanters scotia, ci ia opina ce sua credes ia es tro catolica. El ia suporta la eglesales anglican e ia fali aida la forsas protestante en cuando la Gera de Tredes Anios. Sua atentas forsa la Eglesa de Scotland adota la praticas de la anglicanes alta ia causa la Gera de la Bispos. La gera ia forti la resolve de la Parlamentos engles e scotia, e ance aida rapidi sua (Re Charles) defeta.