Rata cangarin

De Vicipedia
Un rata cangarin

Ratas cangarin, rodentes peti de la jenera Dipodomis, es nativas de America Norde ueste. La nom comun deriva de sua modo de move, simil a cangarus.

Ratas cangarin es rodentes con gamas grande a pos e peti a ante e testos cuasi grande. Los pesa sirca 70 e 170 g. La mases es plu grande ca la femes. La codas es plu longa ca sua corpos e testos. Ratas cangarin ave poxes en sua jenas, foreda con pelo, cual es usada per reserva comedas, como tamias. Los move bipede e salta tan distantes como un o du metres, a un rapida de cuasi 10k per ora.

Ratas cangarin abita areas seca e semiseca, spesial sur solo mol o arenosa, cual conveni per tunelinte, ma pote es trovada en multe otra ambientes. Los cual vive en desertos pote conserva acua par decrese la rapidia de sua metaboli, e normal oteni acua sufisinte de la semes cual los come. Los resta en sua tuneles en temperatures estrema e en tempestos. Los es xasada par coiotes, volpes, texones, mustelas, buos, e serpentes.