Purepetxa (lingua)

De Vicipedia
Enfantes purepetxa en un festa tradisional

Purepetxa (acc purépecha, p'urhépecha, tarascan) es un lingua isolida cual es parlada par sirca 125,000 persones en comunias rural en la montanias de Michoacan, Mexico. Lo ia es la lingua xef de la Stato Tarascan de la eda ante la espanioles. Lo ia deveni sperdeda vasta en Mexico norde-ueste en la periodo posclasica. An tal purepetxa es parlada en la bordas de Mesoamerica, lo no comparti multe de la cualias cual defina la linguas de la area.

La alfabeta purepetxa:[edita | edita la fonte]

a b ch ch' d e g i ï j k k' m n nh o p p' r rh s t t' ts ts' u x

Note:

k es lfn c
x es lfn x
ch es lfn tx
' indica un consonante aspirada
nh es ŋ
b, d, e g aveni sola pos un nasales
ï es un vocal media e alta ɨ

Purepetxa es un lingua aglutinante, ma cambias de fonemes ia resulta en un grado de fusa. La lingua es sola sufisante e ave un numero grande de sufisas - tan multe como 160 - e multe cliticas.

Nomes es infletada par la formula fundal de nom - cuantia - caso. Lo distingui entre plural e cuantia nonspesifada, con no sufisa sola per singular. La casos es nominativa (nonmarcada), jenetiva, locativa, strumental, e comitative, e lo ave un sufisa per indica un foca en la discute.

Verbos infleta per aspetas e modos e per person e cuantia de la sujeto e ojeto. On ave ance un cuantia de sufisas cual espresa forma, loca, o partes de la corpo cual afeta o es afetada par la ata de la verbo. La verbo distingui 13 aspetas e 6 modos.