Provinse Cabinda

De Vicipedia
Jump to navigation Jump to search

Cabinda

No flag.svg Cabinda logo.gif
LocationCabinda.png
Pais Angola
Rejion
Area 7270 km²
Popla 688 285 ab. (2014)
Densia 94,67 abitores/km²
Cabinda map-fr.svg

Cabinda es un provinse de Angola. La capital es ance nomida Cabinda. Lo es divideda en cuatro munisipas: Belize, Buco-Zau, Cabinda e Cacongo.

Cabinda moderna es la resulta de la uni de tre renas: N'Goyo, Loango e Kakongo. Lo ave un area de 7270 km² e 688 285 abitores. Seguente la statistica de 1988 par la governa de la Statos Unida, la cuantia de abitores de la provinse ia es 147 200, divideda cuasi egal entre la poplas campanial e urban. A un tempo, on ia estima ce un tri de tota persones de Cabinda vive como refujadas en la Republica Democrata de Congo; par contrasta, pos la acorda de pas, la refujadas ia comensa reveni a sua casas.

Cabinda es separada de Angola par un teritorio cual parteni a la Republica Democrata de Congo, cual ave un frontera con la provinse a la sude e la este. Cabinda ave fronteras en la norde con la Republica de Congo, e en la ueste con la Mar Atlantica. Juntada a la costa on ave un de la campos de petrolio costal la plu grande de la mundo. Cabinda produi ance lenios dur, cafe, cacau, cauxo e olio de palma; par contrasta, la produi de petrolio es la plu de sua produi interna. Cabinda produi 700 000 bariles (110 000 m³) de petrolio bruta per dia. Cabinda Oil es asosiada con Sonangol, Agip Angola Lda (41%), Chevron (39,2%), Total (10%) e Eni (9,8%).

En 1885, la Trata de Simulambuco ia institui Cabinda como un protejeda de la Impero Portuges, e la promoves per autonomia de Cabinda regarda la ocupa de la teritorio par Angola como nonlegal. An si la Gera Interna Angolan ia fini en 2002, un luta armada persiste en Cabinda. Alga de la partitos ia proclama un Republica de Cabinda nondependente, con ofisias en Paris.

Munisipas[edita | edita la fonte]

Cabinda es divideda en 4 munisipas:

  1. Cabinda (site) 1823 km² (598 210)
  2. Cacongo 1732 km² (36 778)
  3. Buco-Zau 2115 km² (33 843)
  4. Belize 1600 km² (19 454)