Protobalgares
La protobalgares ia es un colie de tribus turcica, seminomada gerores, ci ia flori en la stepe de eurasia ueste e la rejion de la Rio Volga en la sentenio sete. Emerjente como cavalores nomada, spesialistes sujeste ce sua radises pote es trasada a Asia sentral. En sua migra tra la stepe eurasian, la protobalgares ia asorbe otra grupos etnical e influes cultural, incluinte popla hun e indoeuropean.
Rexerca jenetical sur popla turcica de eurasia ueste e enticos relatada a la protobalgares indica un lia con la poplas de Eurasia ueste. Los ia parla un lingua turcica, pd la lingua bulgar de la ramo ogurica. Los ia manteni la titulos, organiza, e tradisiones militar de la stepes eurasian, e la xamanisme e crede en Tanga, la dio de la sielo.
La protobalgares ia deveni semifisada en la sentenio sete en la stepe ueste, fundi un stato, Balgaria Grande Vea, sirca 635 ec, cual ia es asorbada par la Impero Hazar en 668 ec. En 679, Han Asparuh ia concista Scitia Minor, cual ia abri un asede a Moesia, e fundi la Impero Balgar prima, do la protobalgares ia deveni un elite political e militar Los ia combina seguente con la popla ja instituida bizantian, e con la tribus slavica cual ia migra ala a ante. Los ia es ultima slavida, cual ia formi la asendentes de la balgares moderne de Balgaria.
La resta de la protobalgares de la stepe ueste ia migra en la sentenio sete a la Rio Volga, do los ia fundi Balgaria de la Volga. Los ia manteni sua identia a e tra la sentenio 13. La tatares e la txavaxes alega ce los es la desendentes de la protobalgares de la volga.