Porifero
![](http://upload.wikimedia.org/wikipedia/commons/thumb/2/20/Aplysina_archeri_%28Stove-pipe_Sponge-pink_variation%29.jpg/220px-Aplysina_archeri_%28Stove-pipe_Sponge-pink_variation%29.jpg)
Sponjes, la membros de la filo Porifero ("por porta") es un clado basal de animales e la sore la plu prosima de la diploblastos. Los es organismes multiselulal cual ave corpos plen de pores e canales cual permete ce acua sirculi tra los, composada de mesohil, un materia jelatin, entre du stratos magre de selulas.
Sponjes ave selulas nonspesialida cual pote muta a otra tipos e cual migra comun entre la stratos e la mesohil en la prosede. Sponjes no ave sistemes de nervos, dijesta, o sirculi. En loca, la plu depende de la manteni de un flue constante de acua tra sua corpos per oteni nuri e oxijen e per desprende dejeta. Sponjes ia es la ramo prima cual diverje de la arbor de evolui de la antesedente comun de tota animales, e donce los pte es videda como la sores de tota otra animales.