Polo sude
La Polo Sude es la punto la plu sude sur la Tera. Lo es en Antartica e es la sentro de la Emisfera Sude. De la Polo Sude, cada otra dirije es a norde. Nonsimil a la Polo Norde, cual es covreda par mar e jela de mar plana, la Polo Sude es sur un continente montaniosa nomida Antartica. Antartica no sempre ia es la Polo Sude. Un prosede nomida Vaga de Continentes ia aveni.
La polos jeografial Norde e Sude es puntos de la ase sur cual la Tera jira. Esta polos resta en la loca mesma, e es usual aceles cual nos sinifia si nos dise sola Polo Norde o Sude. On pote dise ce los es a la polos par regardante a la stelas (a la polos, un stela sola sirca a la altia mesma, nunca desendente a la orizon). La Sol leva a un ves un anio e dona la Polo Sude un dui-anio de estate ma, lo es sempre fria. Cuando la Sol reposa un dui-anio plu tarda, lo fa un dui-anio de inverno cual es ancora fria. La Polo Sude es sempre fria car la Sol nunca asende alta en la sielo.
La polo magnetal sude es alga cosa diferente. Lo es definida par la campo magnetal de Tera, como aprosima do un ago de busola magnetal punta. On pote dise ce los es prosima esta polos par oserva la busola
Esplora[edita | edita la fonte]
La Polo Sude es difisil ateni. Lo es multe alta supra nivel de mar, e lo es multe ventosa. Lo es ance distante de cualce loca do persones vive, e barcones cual vade ala frecuente ave trova sua via tra la jela de mar densa. A tera, esplorores debe viaja plu de mil de milias per ariva a la polo. Los debe crusa un plano de jela flotante, a pos a alta a sur un tera de nun covreda par jela, alta glasias cual es covreda en jela cual es rompeda e torseda e final los debe traversa un tera de nivel alta covreda en jela e scopida par ventas forte e jelante.