Percunas

De Vicipedia
Jump to navigation Jump to search
La mano de Percunas, par Mikalous Konstantinas Čiurlionis
On dise ce Percunas ia es adorada su esta cuerco de 1500 anios en Stelmužė, Lietuva

Percunas (Lietuvisce: Perkūnas, Latvian: Pērkons, Prus vea: Perkūns, Perkunos, Yotvingian: Parkuns) ia es la dio de tona comun entre la tribus antica de la balticas, la dio du en importa pos Dievas. El es la dio de sielo, tona, lampo, tempestas, pluve, foco, gera, lege, ordina, fertilia, montes, e cuercos. Slavica Perun es relatada. Suomi Perkele, un otra nom per Ukko, es un presta de baltica. La nom es derivada de protoindoeuropean *Perkwunos, conaseda a *perkwus, un parola per cuerco, abeto, o monte arborosa.

La plu de informa sur Percunas veni de cantas folclor, lejendes, e naras de fes. Car la plu de los ia es colieda tarde en la sentenio 19, los es sola fratis de la mitolojia completa. La plu temprana atestas de Percunas es en la tradui rusce de la Nara de Joan Malalas (1261) e en la livonian Nara rimada (sirca 1290).

Percunas es la dio de tona e lampo e tempestas. En un truple de dios, el simboli la fortias creante, coraje, susede, la sielo. Potrimpo es la dio de la mares, la tera, cultiva, e gran. Velnias es asosiada con inferno e moria. Percunas es la aidor e esecutor de la vole de Dievas, la dio alta (con un nom conaseda a Dio). Ma Percunas tende suprapasa Dievas en la mitolojia, car el pote es videda e ave funsiones bon definada par mitolojia. El es imajinada como un om de eda media, armida con un axa e flexas, montada sur un caro con du rotas, arnesida con capras, como Tor.

Entre la mitos es un cual dise ce Percunas e un fe nomida Vaiva (arco de sielo) ia es intendeda per sposi a un jovedi, ma la sposa nova ia es furada par Velnias, e Percunas ia xasa Velnias de alora. Lo es un funsion importante de Percunas ce el combata con la diablo - Velnias - la imaje de ci segue la diablo de cristiania. Percunas xasa sua oposor, ma Velnias asconde se en arbores, su petras, o muta se a animales demonin variosa: un gato negra, un can, porco, oveta, lusio, bove, o un person comun. Velnias es a veses imajinada como ave la ungulas.

Percunas es ance asosiada con Jovedi. Jovedi es la dia de la tonor en multe tradisiones, como en la lietuvisce parola per jovedi - Perkuno diena. El es asosiada con la dio roman Jupiter en fontes temprana. En la tradisiones de la balticas, jovedi es un dia de tempestos de tona e plu - e ance de la rituos de sposi!