Pasta (cosini)

De Vicipedia
Jump to navigation Jump to search


Pasta es un tipo de comeda tipal fabricada de un pasta sin fermenta de farina de trigo miscada con acua o ovos, e formida en folias plata o otra formas, e alora coceda par boli o forni. Farina de ris o legumes como favas o lentiles, es a veses usada en loca de farina de trigo per produi un sabor o trama diferente, o como un alternativa libre de gluten. Pasta es un parte major de cosina italian, ma ia deveni multe internasional.

Pastas pote es divideda en du categorias larga: seca e fresca. La plu de pasta seca es produida en fabricas par un prosede de estrui, an si lo pote es produida ance a casa. Pasta fresca es produida tradisional par mano, a veses con la aida de macinas simple. La pasta fresca cual on pote compra en botecas local es produida par macinas grande.

En cosini italian, pastas es usada en un de tre tipos de platos preparada: Pasta asciutta es pasta coceda e servida con salsa o otra spises; Pasta en brodo es pasta servida en bulion o sopa; E pasta al forno, pasta como un parte de un plato fornida. Jeneral, platos de pasta es simple, ma platos spesifada varia en la prepara nesesada. Alga pasta es servida como un curso prima peti o per come de mediadia lejera, como saladas de pasta. Otra platos es presentada en cuantias plu grande e usada per come de sera. La salsas pote ance varia en sabor, color, e trama.

Pasta es jeneral servida con un tipo de salsa, comun fundida sur la viscosia e fasilia de come. Cosinis de Italia norde usa min salsa de tomates, alio, e otra erbas. Salsa blanca, fundida de bur, es plu comun. En Bologna, la salsa bolognan usa carne e un cuantia peti de tomate consentrada; En Jenoa, un salsa verde nomida pesto es plu comun. En Italia sentral, on trova salsas como salsa de tomate simple, amatriciana (con lardo o pancetta e basil), arrabbiata (con peperon calda), e carbonara (un salsa de ovos).

En cosini de Italia sude, on pote trova varias cual inclui pasta con vejetales, olivas, caparas, o comeda de mar. Pasta puttanesca ("de la prostituidas") inclui caparas; pasta alla norma (con tomatos, melonjena, e ceso fresca o fornida; pasta con le sarde (con sardinas, semes de pino, finoio, e olio de oliva); spageti aglio, olio e peperoncino (peperones txili calda); pasta con i peperoni cruschi (peperones cracosa e picos de pan).

La valua de nuri de pasta es minima: Pasta coceda es 31% carboidratos (per la plu parte amidon), 6% protena, minima gras, con alga manganese. Pasta pote ance es ricida o fortida, o fabricada

La ingredientes per fabrica pasta inclui farina de semola, ovos, sal, e acua. Farina es prima formida como un colineta sur un surfas plata, en cual un poso es formida. La ovos es versada en la poso e un force es usada per misca la ovos e farina. On ave un varia de modos de formi la teletas de pasta, dependente de la tipo nesesada. La tipos la plu popular inclui pene, spageti, e macaroni.

Macinas per fabrica pasta en la cosina, acc pastadores, es popular con xefes ci fabrica cuantias grande de pasta fresca. El introdui la teletas de pasta en la macina par mano, e par turna un manivel, el rola la pasta per magri lo aumental. Ultima, la pasta es dirijeda tra un peten per formi la pasta en cuando lo emerji.


Pasta seca e fresca pote es trovada en un cuantia grande de formas e varias, con 310 formas spesifada (par plu ca 1300 nomes). En Italia, la tipos es comun conoseda par la vila o rejion en cual los es favoreda. A su es un lista de la plu comun formas e nomes: