Parabola de la bon samaritan
![](http://upload.wikimedia.org/wikipedia/commons/thumb/d/de/Balthasar_van_Cortbemde_-_The_Good_Samaritan.jpg/280px-Balthasar_van_Cortbemde_-_The_Good_Samaritan.jpg)
La parabola de la bon samaritan es un parabola narada par Jesus en la Evanjelio de San Lucas. Lo nara de un viajor ci es nudida, bateda e abandonada cuasi mor a lado de la rua.
Lucas 10:25 a 10:37 25. Un ves, un legiste esperta ia sta per demanda a Jesus, e dise: Instruor, cual me debe fa per erita la vive eterna? 26. Jesus dise a el: Cual es scriveda en la lege? Cual tu leje? 27. E el responde: Tu debe ama la Senior, tu Dio, con tota tua cor e tota tua spirito e tota tua potia e tota tua mente, e tu debe ama tua visina como tu mesma. 28. E Jesus dise a el: Tu responde coreta: Fa esta e tu va vive. 29. Ma el, volente justi se, dise a Jesus: E ci es mea visina? 30. E Jesus responde: Un om ia vade de Jerusalem a Jerico, e veni entre furores ci desvesta elde sua vestes, e feri el, e alora departi, lasante el prosima a moria. 31. E par acaso, un prete veni par esta via, e cuando el vide la om, el pasa a la otra lado. 32. E a la mesma modo, un membro de la tribu de Levi, cuando el veni a esta loca, vide el, e pasa a la otra lado. 33. Ma un samaritan viajante ariva a do la om es, e, cuando el vide el, el compatia el. 34. E el vade a el, e bandi sua feris, e aplica olio e vin, e pone el sur sua propre besta, e trae el a un otel, e cura el. 35. E a la matina, el estrae du sentimes, e dona los a la otelor, e dise a el: Cura el, e si tu debe spende plu, cuando me reveni, me va repaia a tu. 36. Seguente tua pensas, cual de esta tre omes es la visina per el ci ia veni entre furores? 37. E la legiste dise: El ci ia mostra compatia a el. Donce Jesus dise a el: Vade, e fa la mesma. |