Panasionalisme

De Vicipedia
Jump to navigation Jump to search

Panasionalisme es un forma de nasionalisme distinguida par sua asosia con teritorio declarada cual no coresponde a la bordas esistente. Lo defina comun la nasion como un grupo de etnicos o cultures prosima relatada. Lo comparti la premisa nasionaliste ce la nasion es la unia fundal de la vive sosial umana, e ce lo es la sola funda asetable per la stato.

Alga panasionalismes, como pandeutx per la popla deutx, conserna cual antropolojistes esterna ta considera un etnico singular (oji, osteraices, suiz ci parla deutx, e otras pote vide se como "deutx", o no). Ante la Gera Mundal du, la partito nazi usa esta idea como un razona per invade areas de otra nasiones e, ultima, per usa jenoside de popla nondeutx (la iudis, slavicas, romanis, e otras). Panturcisme, como un otra esemplo, tende iniora la opinas de la popla nonturcica abitante entre la popla turcica. Cuando los ia vole crea un impero panturcica o panmuslem, la turces osmanian ia atenta jenoside de tota nonturcicas e spesial nonmuslim en la sentenio 20 temprana (incluinte armenianes, elinicas, e asirianes).

An ce panasionalisme no nesesa gera o jenoside, los es comun la resulta. Con un conseta idealiste de sua propre etnico, un conseta multe negativa aveni ance. Oji, an si la mundo ia esperi multe esemplos de la malia de panasionalisme, multe etnicos ia revive la idea, spesial con la migra de miliones de persones de rejiones sufrinte de gera e otra problemes, a otra rejiones ci no aseta la diversia resultante.