Ostrasido

De Vicipedia
Jump to navigation Jump to search
Pex caxin puntosa
Pex caxin cubo

La ostrasidos es un familia de pexes ososa de la ordina tetradontiformo, relatada prosima a la tetraodontido (pex globin) e la monacantido (pex limin). Pexes en la familia es conoseda comun como pexes caxin. La familia conteni sirca 23 spesies esistente en ses jenera esistente. Ostrasidos aveni en la mares Atlantica, Indian, e Pasifica, jeneral a latitudes media.

Membros de esta familia pote ave un varia de colores, e es notable per la motif exagon sur sua pel. An ce la adultes es jeneral multe caxin, ostrasidos joven es plu ronda. La joven esibi comun colores plu briliante ca la adultes. Ostrasidos nada en un modo reminte. Sua scamas blindin es fusada con lunlotra en un armur solida, triangulo, o caxin, de cual la pinas, coda, oios, e boca protende. Resultante de esta scamas pesa blindada, ostrasidos es limitada a moves lente, ma poca otra pexes pote come la adultes. Alga varias de ostrasidos pote secrete venena de sua pel a la acua ambiente, dontante plu proteje de ataca. Los secrete toxinas simil a deterjentes tra sua peles cual pote ata como un modo de defende cimica. Cuando la toxina es relasada de la pex, lo desolve rapida en la ambiente e turba cualce pex en la visinia.