Nioci

De Vicipedia
Jump to navigation Jump to search
Nioci con bur, ricota, e salvia - simple e eselente!

Nioci (de la italian plural gnocci) is un tipo de pasta composada de bales de pasta peti, mol, e densa cual pote es fabricada de semolina, trigo normal, ovos, ceso, patata, picos de pan, farina de mais, o ingredientes simil, e comun incluinte la sabores de bonerbas, vejetales, cocoa, o prunas.

La pasta per nioci es tipal rolada ante cual lo es taliada en pesos peti sirca la grandia de un cuerco de vino. La pesos peti es alora presada con un force o un raspador de ceso per crea ranures cual pote teni un salsa. O los pote es cortida simple en masetas peti. Nioci es comun comeda como un sustitui per pasta en la curso prima, ma pote ance es servida como un plato a lado a alga plato major.

Como multe platos italian, nioci ave multe varias en nomes tra rejiones diferente. Per esemplo, malfatti ("malfabricada") de Lombardia e Toscana es fabricada con ricota, farina, e spinax, e plu bonerbas nesesada. 'gnudi de Toscana usa min farina; ma otra es fabrica xef de farina como stranbulaprievete de Campania, cavatelli de Apulia, mammoreddus de Sardinia, etc.

Nioci es tipa coceda en sua propre acua salida e bolinte, e alora vestida con salsas variosa, dependente de la tipo de nioci e la resipi usada. Alga nioci es fabricada de pesos de polenta o semolina coceda, cual es estendeda per seci, e alora stratida con ceso e bur e finida en la forno.

La parola nioci pote es derivada de la parola italian nocchio, cual sinifa un noda en lenio, o de nocca, sinifiante noca. La usa pote es trasada a la eda de la Romanes, e ia e sperdeda par los tra Europa. Cuando la usa de la patata ia es introduida a Europa en la sentenio 16, nioci fabricada de patatas ia deveni popular.