Mori de George Floyd

La mori de George Floyd, un om afroamerican, ia aveni en la site de Minneapolis la 25 de maio 2020, cuando un polisior blanca, Derek Chauvin, ia ajena sur la colo de George Floyd per 8 minutos e 46 secondos, de cual 2 minutos e 53 secondos ia aveni pos cuando Floyd ia deveni nonrespondente. Ofisiores Tou Thao, J. Alexander Kueng e Thomas K. Lane ia aida con aresta, Keung ia presa la dorso de Floyd, Lane ia presa la gamas e Thao ia regarda con ce la aresta.

La aveni ia es rejistrada par oservores sur sua telefones. La aresta ia aveni pos cuando Floyd alegada ia atenta paia con un bileta 20$ en un deleteria, cual un empleada ia identifia la bileta como mone falsa. La polisia ia afirma ce Floyd "ia resiste fisical" pos cuando el ia es comandada sorti la veculo ante de la video ia es filmada. Un video ia mostra ce Floyd ia dise repete "Please" ("Per favor"), "I can't breathe" ("Me no pote respira") e "Don't kill me" ("No mata me"), cual ia es sirculida vasta sur plataformas de medias sosial e ia es difusada par la media. Tota cuatro polisiores ia es desempleada a dia seguente.

Chauvin ia es pos arestada e acusada con omiside de grado tre e mata sin intende de grado du.

Pos cuando la mori ia cuasa protestas en Minneapolis la 26 de maio, cual ia es pasosa prima, ma pos ia deveni violente. Protestores ia arde la ofisia de polisia e ia scaramuxa con la polisia, ci a pos ia spara gas lacrimojen e baletas de cauxo. De pos, protestas e tumultas tra la SUA en sites como Minneapolis, Los Angeles, Atlanta e plu.