Model:Bon article/15

De Vicipedia
Jump to navigation Jump to search
GodfreyKneller-IsaacNewton-1689.jpg

Isaac Newton (1642–1727) ia es un fisiciste e matematiciste engles ci ia nase en un familia povre de cultivores.

Vive[edita la fonte]

La mundo es fortunosa ce Newton no ia es un bon cultivor e ce el ia es invitada a Cambridge per deveni un sermonor. En Cambridge, Newton ia studia matematica. El ia es spesial forte influeda par Euclide, e ance par la filosofias Baconian e Cartesian. Newton ia debe parti de Cambridge cuando el ia es coxeante par causa de maladia bubonal, e en esta periodo el ia deveni la person de sua descovres la plu importante. Con la natur silente cual el ia mostra plu tarda en sua vive, Newton no ia publici sua resultas.

Newton ia sufri un cade mental en 1675 e el ia recovre se asta 1679. En responde a un letera de Hooke, el ia sujesta ce un particula librida ta spirali asta la media de la tera. Hooke ia reenvia a el un scrive, serta ce la via no ta es un spiral ma un elise. Newton, ci ia odia es suprapasada, ia continua alora e ia calcula la matematica de la orbitas. El no ia publici sua calculas. Newton ia comensa alora dedica sua fortes a la divina teolojial e ia pone la calculas sur la move elisal a lado, informante Halley ce el ia perde los. Halley, ci ia deveni interesada en orbitas, ia convinse final Newton a crese e publici sua calculas. Newton ia dedica la periodo de agosto 1684 asta la primavera de 1686 a esta labora. La resulta ia deveni un de la laboras la plu importante e influosa sur la fisica de tota la eda: Philosophiae Naturalis Prinsipia Mathematica (Prinsipes Matematical de la Filosofia Natural) (1687), frecuente cortida a Prinsipia Matematica o simple La Prinsipia.