Mitolojia elinica

De Vicipedia
Jump to navigation Jump to search
Sarcophage Promethee.jpg

La duple prima ia es Gaia (la tera) e Urano (la sielo), e sua enfantes ia inclui multe dios e divas, nomida la titanes. Crono (tempo), la plu joven, ia mata sua padre Urano. Crono e sua sore Rea ia deveni la re e rea de la dios e divas. Ma cuando los ia ave sua enfantes, Crono ia come los. Rea ia asconde un de sua fios – Zeus. Zeus ia forsa ce Crono vomiti sua frates e sores, e un gera ia comensa. La dios e divas joven ia gania la gera, e ia comensa un rena nova a la apico de Monte Olimpo.

La dios olimpian ia inclui la seguentes:

  • Demetra, la diva de fertilia
  • Hestia, la diva de la ximine
  • Hera, la rea de la sielos
  • Hade, la dio de la mundo suteran (la enferno)
  • Posedon, la dio de la mares
  • Zeus, la re de la sielos
  • Afrodita, la diva de ama
  • Apollo, la dio de musica e divinia
  • Ares, la dio de gera
  • Artemisa, la diva de la xasa, e protejor de virjines
  • Atena, la diva de gerores e intelijentia
  • Dioniso, la dio de vino
  • Hebe, la diva de jovenia
  • Hefesto, la forjor de la sielos
  • Hermes, la mesajor de la sielos, e dio de furores
  • Persefone, la diva de primavera e de moria

Otra dios plu antica:

  • Eter, la dio de la aira superior
  • Caos, la dio de nonesiste, de cual tota cosas veni
  • Crono, la dio de tempo eterna
  • Erebo, la dio de oscuria
  • Eros, la dio de ama
  • Gaia, la diva de la tera ("Madre Tera")
  • Hemera, la diva de la dia
  • Nix, la diva de la note
  • Tartaro, un dio ci viva en la parte de enferno plu profonda
  • Urano, la dio de la sielo ("Padre Siela")

DemetraHestiaHeraHadePosedonZeusAfroditaApolloAresArtemisaAtenaDionisoHebeHefestoHermesPersefone