Milton Friedman

Friedman en 2004

Milton Friedman (1912–2006) ia es un economiste e ganior de la premio Nobel esuan.

Friedman ia nase en la site New York e ia es instruida a la universia de Rutgers e a la universia de Chicago. El ia labora como economiste con multe ajenterias federal en Washington, DC, de 1935 asta 1940 e de 1941 asta 1943. En 1946, el ia junta se a la departe economial de la universia de Chicago.

El es famosa per dise ce un crese economial sin infla pote es produida par la fortes libre de mercato, no la interveni governal. El ia sujesta forte ce la sistem federal de reserva debe aumenta la furni de mone a un proportio justa fisada per promove stablia economial. Friedman ia gania la premio Nobel 1976 en economia per "sua realis en campos de analise de consuma, istoria e teoria de mone e per clari la politica de stabli".

Entre sua libros es Capitalisme e libria (1962), Un istoria de mone de la SUA , 1867–1960 (1963), Dolares e defisit (1968). Con sua sposa Rose Friedman, el ia scrive Libre de eleje (1980).