Marte desarmada par Venus

Marte desarmada par Venus es la ultima depinta par la depintor franses Jacques-Louis David. El ia comensa lo en 1822 (con 73 anios) en sua escluida en Bruxelles e ia fini lo tre anios plu tarda, ante mori en un asidente en 1825. El ia envia lo a un esibi en Paris de sua escluida, sabente ce en acel tempo la romanticisme ia es asendente en la Salon. En 2007 lo ia es mostra en la salon xef de la Museos Real de Artes Bela de Beljia, en Bruxelles, sirca la entra.

Venus e sua seguores, la tre Grasias e Cupido, es mostrada sutraente la armas, casco, scermo e armur de Marte, dio de la gera. El permete es desarmada ante la encantas de Venus. La plu parte de la modeles de David ia es figures envolveda con la Théâtre de la Monnaie: Venus ia es modelida par la ator fema Marie Lesueur, Cupido par Lucien Petipa, Marte par un enscrivor o 'abonné', e un de la Grasias par la concubina de la Prinse de Orange.