Makruk
Makruk (tai: หมากรุก) o xace tai, es un jua de table desendeda de la jua indian de chaturanga. Lo es videda como un varia de xace. La parola "ruk" (tai: รุก) es derivada de la rukh cual sinifia caro en persian. La mercatores persian ia veni a la rena Ayutthaya sirca la sentenio 14 per intercambia con la rena. Lo es posible ce la jua makruk es derivada plu direta de la jua persian de shatranj. Esta es sujestada car la move de la rea en markruk es la mesma como la fers en shatranj.
La peon (nomida เบี้ย bia, un conca de la cauri) move e catura como un peon en xace moderna, ma no pote move de cuadros a sua move prima. La peon cual ateni la linia 6 es sempre levada par volta lo a sua otra lado, pos cuando lo move como la rea. A su es esemplos de la moves de cada peso: บ (etc) = la peso; ● = move permeteda; ▶︎ = move estendeda; ○ = move per catura.
| ○ | ● | ○ |
| บ | ||
La rea (nomida เม็ด met, un seme) es a peso la plu debil. El move un cuadro en cualce dirije diagonal, como la fers en shatranj.
| ● | ● | |
| ม็ | ||
| ● | ● |
La bispo (nomida โคน khon, un person) move un cuadro en cualce dirije diagonal, o un cuadro a ante.
| ● | ● | ● |
| ค | ||
| ● | ● |
La cavalo (nomida ม้า ma, cavalo) move como la cavalo en xace moderna: du cuadros en un dirije e alora un cuadro perpendicular a acel move. El pote salta cualce pesos en sua via.
| ● | ● | |||
| ● | ● | |||
| ม | ||||
| ● | ● | |||
| ● | ● |
La tore (nomida เรือ ruea, la barcon) move como la tore en xace moderna: cualce cuadros ortogonal.
| ▲ | ||
| ◀︎ | ร | ▶︎ |
| ▼ |
La re (nomida ขุน khun, nobil) move como un re en xace moderna: un cuadro en cualce dirije. La jua fini cuando la re pote es prendeda par un peso oposante, la xacemata. La jua fini egal si la re no pote move.
| ● | ● | ● |
| ● | ข | ● |
| ● | ● | ● |
A la comensa de la jua, la peones es poneda sur la linia tre (e ses per la otra juor). Reas es poneda a la destra de la res. Peones es levada cuando los ateni la linia ses (o tre per la otra juor).