Maia

Maia e Vulcan, par Bertholomaus Spranger

Maia, en la relijio antica de Elas, es un de la Pleiades e la madre de Hermes (ci ia es nomida Mercurio en latina). El es ia fio de Atlas e Pleione, e es la plu vea de la sete Pleiades. Los ia es naseda sur Monte Silene en Arcadia, e es a veses nomida nimfas de montes. Simonides de Ceo ia canta de "Maia de la montes" (Maiados oureias) "de la oios bela negra. Sua nom es relatada a μαῖα (maia), un nom de onora per femes vea, relatada a μήτηρ (mētēr, "madre"), cual sinifia ance "comadre".

En la relijio e mitos de Roma antica, Maia corpi la conseta de crese, e sua nom ia es crededa como relatada a la ajetivos maius e maior ("plu grande" e "la plu grande"). Lo es posible ce la nom ia developa autonom de la Maia elinica, ma el ia es asorbeda tra la elinici de la leteratur e cultur latina.

En un prea roman, Maia apare como un atribui de Vulcan, en un lista de dios aliada con consetas representada par divas. Maia ia es direta liada con Madre Tera (la forma roman de elinica Gaia) e la Bon Diva (Bona Dea) en a min un tradision. Sua identia ia deveni liada teolojial con la divas Fauna, Ops, Juno, Carna, e la Magna Mater ("la madre grande").