Lupo jigante

De Vicipedia
Jump to navigation Jump to search
La sceleto de un lupo jigante a la Museo Sternberg

La lupo jigante o Canis dirus (can temeda) es un spesie estinguida de la jenera Canis. Lo es un de la plu famosa carnivor preistorial en America. Lo ia abita la Americas en la plestosene tarda e la olosene temprana (125,000 - 9,500 anios ante aora).

La restas de la lupo jigante ia es trovada en un estende grande de abitadas, incluinte la planos, savanas, e alga areas de foresta de America Norde, e en la savanas seca de America Sude.

La lupo jigante ia es sirca la mesma grandia como la lupos gris moderna la plu grande. Sua cranio e dentes sembla los de Canis lupus, ma sua dentes ia es plu grande e ave un capasia plu grande de sisori, e la forsa de sua morde a la dente canin ia es la plu forte de cualce spesie de Canis conoseda.

Esta cualias es suposada como es ajustas per xasa la erbivores de la plestosene tarda, e en America Norde sua preda es conoseda como inclui cavalos, bradipos teran, mamutes american, bisones, e cameles. Como otra carnivores en la jenero Canis, lo ia xasa en grupos. Sua estingui ia aveni en la aveni de estingui cuatronaria, con la plu de la animales jigante american de la tempo, incluinte alga otra carnivores, cual ia aveni prosima pos la apare de umanas en la mundo nova. Sua depende de la erbivores jigante ia es proposada como la causa de sua estingui, con la cambia de clima e compete con otra spesies, ma la causa resta controversa. Lupos jigante ia vive tan resente como 9,500 anios ante aora, seguente la restas datida.