Lorem ipsum

De Vicipedia
Jump to navigation Jump to search

Lorem ipsum (cortida: lipsum) es la nom de un testo usada a multe veses par primores, scrivores, graficistes e otras, per regarda la aspeta de un testo o un tipo de leteras, pe en un paje de rede o en un libro. La varia normal de lorem ipsum veni de sirca la anio 1500 e comensa en esta modo:

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit in voluptate velit esse cillum dolore eu fugiat nulla pariatur. Excepteur sint occaecat cupidatat non proident, sunt in culpa qui officia deserunt mollit anim id est laborum.

Multe varias esiste de la testo, ma cada comensa con la frase:

Lorem ipsum dolor sit amet, consectetur adipiscing elit.

A la vide prima, la testo pare latina orijinal, ma en realia lo ave no sinifia, e la linguaje latina conteni multe eras de spele e sufisas falsa. Esta es car la testo es sola usada par primores per proba tipos de leteras e desinias: la contenida de un testo comprendable ta distrae la lejor e ta oscuri la intende de proba la forma. Ance, la lorem ipsum ave un alterna normal de leteras diferente e parolas corta e longa, donce lo es plu usable ca, per esemplo, "Esta es un testo de esemplo. Esta es un testo de esemplo. Esta es un testo de esemplo."

La parolas prima de lorem ipsum veni de la libro De finibus bonorum et malorum (Sur la limitas de bonia e malia) de Marco Tulio Cicero de 45 aec. Parte 1.10.32 de esta libro conteni la frase seguente:

Neque porro quisquam est qui dolorem ipsum quia dolor sit amet, consectetur, adipisci velit
On ave no person ci ama dole, ci xerca lo, e vole lo, simple car lo es dole.