Linguas sepic
La linguas sepic es un familia de sirca 50 linguas papuan parlada en la basin de Rio Sepic de Papua Gine Nova norde. La lingua la plu bon conoseda es iatmul, con 8400 parlores. La linguas con la plu parlores es la lingua abelam, con 45,000 parlores, e boicen con 41,000 parlores.
Los tende ave fonolojias simple, con poca consonantes o vocales e plu comun no tonos. Los ave un sistem de vocales con sola tre vocales, /ɨ ə a/, distinguida sola par altia. La vocales fonetical [i e o u] es la resulta de asorbe par consonantes palatal o labial prosima. Otra linguas de la familia ave sola du vocales /ə a/.
La Rio Sepic es la rio la plu longa en Papua Gine Nova, de 1,126 km. Lo es locida en la norde-ueste de la pais, e fini en la Mar Bismarc. La plu de popla longo la rio es parlores de la multe linguas sepica.
La pronomes reconstruida par Ross per esta familia:
me *wan nos du *na-nd, *na-p nos *na-m tu (mas) *mɨ-n vos du *kwə-p vos *kwə-m tu (fema) *yɨ-n, *nyɨ-n el (mas) *ətə-d, *də los du *ətə-p, *tɨ-p los *ətə-m, *tɨ-m el (fema) *ətə-t, *tɨ
Referes[edita | edita la fonte]
Malcolm Ross (2005). Pronouns as a preliminary diagnostic for grouping Papuan languages ("pronomes como un diagnose inisial per categori la linguas papuan") En: Andrew Pawley, Robert Attenborough, Robin Hide and Jack Golson, eds, Papuan pasts: cultural, linguistic and biological histories of Papuan-speaking peoples ("la pasadas papuan: istorias cultural, linguistical, e biolojial de la poplas parlante papuan"), 15-66. Canberra: Pacific Linguistics.