Linguas papuan ueste
La linguas papuan ueste es un familia de sirca 24 linguas papuan de la Penisola Birds Head ("testo de avia", acc Vogelkop o Doberai) de Gine Nova ueste estrema, la isola de Halmahera e visines, parlada par sirca 220,000 persones.
La lingua de esta familia la plu bon conoseda es Ternate (sirca 50,000 parlores) de Isola Ternate, cual es la lingua franca de la rejion e cual, con sua visin Tidore, ia es la linguas de la sultanias medieval de Ternate e Tidore, famosa per sua compete en la comersia de spises.
Con Ternate como un esemplo, la fonolojia de esta linguas es cuasi identical a elefen, sin v, z, x, e j, ma incluinte tx, dj, e ny, e con la mesma sinco vocales. Los no usa tonos.