Linguas omotica

De Vicipedia
Jump to navigation Jump to search

La linguas omotica es un grupo de linguas parlada en Itiopia sude-ueste. La alfabeta itiopian (acc ge'ez) es usada per scrive alga de la linguas, e la scrive latina per alga otras. Los es cuasi aglutinante e ave un sistem de tonos complicada. La linguas ave sirca 6.2 milion parlores. La grupo es jeneral clasida en la familia de linguas afroasiatica, ma algas dispute esta.

  • Omotica sude, acc aroide (hamer-bana, aari, dime, caro)
  • Omotica norde
    • Mao
      • Bambasi
      • Mao ueste (hozo, seze, ganza)
    • Dizoid (dizi, xeko, nai)
    • Linguas na–te, acc Gonga–Gimojan)
      • Gonga/cefoid (boro, anfilo, cafa, xexatxo)
      • Gimojan
        • Iemsa
        • Ometo–gimira
          • Bentx
          • Txara
          • Linguas ometo, incluinte la lingua omotica la plu comun, uolaita (acc ometo), con 2 milion parlores.

Omotica es jeneral videda como la ramo la plu diverjente de la linguas afroasiatica, e otras vide lo como un familia autonom, o como sola omotica sude como autonom e omotica norde ancora un parte de la linguas afroasiatica. Un linguiste, Roger Blench, ia nota ce, an si omotica comparti la vocabula per miel con otra linguas afroasiatica, lo no comparti la vocabula pertina a boves, cual sujeste ce la linguas ometica ia separa de la otras ante la introdui de pastoria.

Bibliografia[edita | edita la fonte]

Bender, M. Lionel. 2000. Comparative Morphology of the Omotic Languages. Munich: LINCOM.

Blench, Roger. 2006. Archaeology, Language, and the African Past. AltaMira Press