Linguas de Bougainville

De Vicipedia
Jump to navigation Jump to search
Familias de linguas en la Isolas Solomon, con Bougainville a la norde-ueste, la linguas norde en roja, e la linguas sude en blu

La linguas de la Isola Bougainville (en Papua Gine Nova) pote es divideda entre du familias autonom: la linguas Bougainville Norde e la linguas Bougainville Sude.

En la pasada, linguistes ia categori esta du familias como ramos en un familia grande - linguas papuan este - ma esta no es la acorda aora.

La linguas Bougainville norde es un familia peti cual inclui la linguas prosima relatada rotocas e ascopan, e du linguas sola distante relatada, ceriaca e conua:

  • Keriaka (acc ramopa) - sirca 1000
  • Konua (acc rapoisi) - sirca 3500
  • Rotokas - sirca 4320
  • Askopan (acc eivo) - sirca 1200

La dialeto sentral de rotocas posese un colie de fonemes la plu peti en la mundo (an ce la lingua [[pirahan (lingua)] de la Amazona ia es alega per ave plu). Sua alfabeta es composada de 12 leteras, representente 11 fonemes. La lingua ave un distingui de vocales corta e longa, ma no otra cualia, como tono o stresa contrastante.

La linguas Bougainville sude es un otra familia peti parlada sur la isola, con no clar relata a los a la norde. La linguas inclui un ramo prosima relatada nomida nasioi e ses linguas plu distante relatada nomida la ramo buin.

  • Ramo buin
    • Buin (acc terei, telei, rugara) es la lingua papuan con la plu parlores a este de Gine Nova, con sirca 27,000 parlores
    • Motuna (acc siuai) - sirca 7000
    • Uisai - sirca 2500
  • Ramo nasioi
    • Coromira - sirca 2500
    • Lantanai (acc dantanai) - sirca 600
    • Nasioi (acc cieta, aunge) - sirca 20,000
    • Nagovisi (acc sibe) - sirca 6000
    • Oune (acc ounge) - sirca 1000
    • Simecu - sirca 3000

Como un esemplo de la linguas, Ross ia reconstrui tre modeles per un protolingua:

me nos tu/vos el/lo/los
libre *ni(ŋ) *nee duple
*ni plural
*da singular
*dee duple
*dai plural
*ba singular
*bee duple
*bai plural
pasiente *-m *-d *-b
ajenta *a *o *i o *e *u

Referes[edita | edita la fonte]

Malcolm Ross (2005). Pronouns as a preliminary diagnostic for grouping Papuan languages ("pronomes como un diagnose inisial per categori la linguas papuan") En: Andrew Pawley, Robert Attenborough, Robin Hide and Jack Golson, eds, Papuan pasts: cultural, linguistic and biological histories of Papuan-speaking peoples ("la pasadas papuan: istorias cultural, linguistical, e biolojial de la poplas parlante papuan"), 15-66. Canberra: Pacific Linguistics.