Limpi etnical

De Vicipedia
La jenoside de haiarenes, sirca 1910
Iudis magiar destinada a Auschwitz, 1944
Refujadas filastin, 1948
Fortes de pas, aidante vitimes bosnian, 1993

Limpi etnical (o "puri etnical")es un estrae sistemosa e forsada de un etnico de un teritorio par un etnico o governa plu potiosa, comun con la intende de crea un situa etnical omojen. La metodos usada pote es formas variosa de migra forsada, menasa, jenoside, e viola sesal, etc.

Limpi etnical es comun acompaniada con efortas per sutra evidentia fisical e cultural de la grupo estraeda en la teritorio, par la destrui de casas, sentros sosial, cultiverias, infrastrutur, e par la viola de monumentos, semeteros, e locas santa.

La terma ia es prima usada en la Geras de Iugoslavia e sitada en esta contesto como un parola evitante simil a lo de la "solve final" de la nazis. De la desenio de 1990, la terma ia gania aseta vasta par causa de la usa en jornalisme e la media.

La reporta final de la comite de espertas, establida par la Consilio de Securia de la NU, ia defini "limpi etnical" como "un politica intendeda desiniada par un grupo etnica o relijiosa per estrae par metodos violente o menasante con teror la popla sivil de un otra grupo etnica o relijiosa de areas jeografial spesifada."[1] En sua reporta presedente la consilio ia nota "fundida sur la multe reportas descrivente la politica e praticas conduida en la Iugoslavia pasada, 'limpi etnica' ia es fada par mata, tortura, aresta e deteni caprisal, esecutas estralegal, atacas e violes sesal, restrinje de la popla sivil en getos, estrae, remove, e deporta forsada, atacas o menasas de atacas intendeda sur siviles e areas sivil, e destrui nonprovocada de propria. Esta praticas composa crimines contra umania e pote es incluida en crimines de gera spesifada. Plu, tal atas pote ance es incluida en la sinifia de la Conveni sur Jenoside."[2]

Cuasi tota nasiones e multe etnicas ia partisipa en limpi etnica tra la sentenios.

Referes[edita | edita la fonte]

  1. https://www.un.org/ "Final Report of the Commission of Experts Established Pursuant to United Nations Security Council Resolution 780 (1992)"
  2. https://www.un.org/ "Final Report of the Commission of Experts Established Pursuant to United Nations Security Council Resolution 780 (1992)"