Leteras de la Tera
Leteras de la Tera es un obra, publicada pos sua mori, par la autor american Mark Twain (1835 - 1910), ordinada par Bernard DeVoto. Lo es composada par esaias scriveda en un periodo difisil en la vive de Twain (1904–09), cuando el ia es en deta grave e ia perde resente sua sposa e un de sua fias.
La libro discute moralia e relijio, frecuente en un tono sarcasmosa. Inisial, un otra de sua fios, Clara Clemens, ia oposa la publica de la libro en marto 1939, probable per sua vistas controversal e iconoclasiste de relijio, cual el ia alege como presentante un imaje contorseda de sua padre.
Henry Nash Smith ia aida cambia la impresa de la fia en 1960. Clara ia esplica sua cambia de cor en 1962 par dise ce "Mark Twain parteni a la mundo" e ce opina publica ia deveni multe plu tolerante. El ia es ance influeda per relasa la paperes par sua irita con reportas de la Uni Soviet ce la ideas de sua padre ia es supresada en la SUA. La paperes ia es elejeda, editada, e segueda per la libro en 1939 par Bernard De Voto.
Leteras de la Tera es composada de un serie de comentas en la forma de esaias e naretas. Multe de esta pesos espresa la descomforta e despeta ce Twain ia senti per cristianisme, en e ideas teolojial e como un modo de vive. La nareta de la titulo es composada de 11 leteras scriveda par la arcanjel Satan a la arcanjeles Gabriel e Michael, sur sua oservas de la avenis curiosa de vive sur Tera e la natur de la relijios de umanas. Otra pesos en la libro inclui un nareta de moralia presentada como un discute a la ora de adormi con la enfantes de Twain, Susy e Clara, sur un familia de gatos, e un esaia esplicante perce la serpente anaconda es moral superior a umania.
Per la testo en elefen e engles, paralel, vide Leteras de la Tera.