Lardo

De Vicipedia
Jump to navigation Jump to search

Lardo es la carne de la lado, gluteo o ventre de un porco. Lo es prima tratada con cuantia grande de sal. A pos, lardo fresca pote es secida tra semanas o menses en aira fria, o on pote boli o fumi lo.

Lardo fresca e secida es tipal coceda ante la come, comun par frita en padela. Lardo bolida es ja conveninte per come, como ance alga lardo fumida, ma usual on coce plu los ante come los.

Lardo es preparada de talias diversa de carne. Lo pote es fada de la ventre o de talias retro cual ave min gras ca la ventre.

On come lardo fumida, bolida, fritada, fornida o grilida. On pote come lo sin otra comedas, o como un plato ladal (spesial en comes de matina), o como un ingrediente minor per sabori un comeda (pe: la sanduitx de club). On usa lardo ance per decora rostadas, spesial carne xasada, incluinte carne de servo e fasian.

Ance la carne de otra animales, como boves, ovetas, gales o pavos, pote es taliada o preparada per sembla lardo, e pote es an descriveda como "lardo". Esta es comun en rejiones con poplas grande de iudis o muslimes, de ci ambos proibi la come de porcos.

Per securia, lardo pote es tratada per preveni tricinose, causada par Trichinella, un nematodo parasital cual on pote destrui par caldi, jela, seci o fumi.