La familia Addams

De Vicipedia
Jump to navigation Jump to search
Carolyn Jones e John Astin como Morticia e Gomez Addams

La familia Addams es un familia naral creada par cartuniste Charles Addams en 1938. La familia ia inclui orijinal Gomez e Morticia Addams, sua enfantes Wednesday ("mercurdi") e Pugsley, tio Fester, Grandmama ("ava"), e la manejor de casa Lurch.

La familia es un inversa satira de un familia american ideal de la sentenio 20: un familia aristocrata e rica ma multe strana, ci joia la macabre e no pare consensa o no es consernada ce otras trova los bizara o asustante. Los apare prima como un grupo de 150 cartunes sur pajes solitar, sirca dui de cual es publicida en la jornal la "New Yorker" entre 1938 e 1988 (cuando Charles Addams ia mori). Pos alora, los ia es reformulada en otra medias.

En 1964, un programa televisada ia debua, con atores John Astin e Carolyn Jones. Estas es posible la imajes la plu reconoseda de la familia. Los ia inspira un filma televisada en 1977, e un programa animada en 1973.

En 1991 e 1993, la familia Addams ia es presentada en un filma teatral, con Anjelica Huston como Morticia, Raul Julia como Gomez, Christina Ricci como Wednesday, Christopher Lloyd como Fester, e Joan Cusack como la sposa de Fester. La atores ia reseta multe premios per sua presentas. La filmas ia inspira un programa animada du (1992-1993) con la mesma carateres, con John Astin como la vosa de Gomez.

Pos la mori de Raul Julia, la naras ia es recomensa en 1998 con un filma per televise con Tim Curry e Daryl Hannah, con un programa serial (1998-1999). 10 anios plu tarde, un presenta musical sur Broadway ia aveni con [Nathan Lane]] e Bebe Neuwirth.

La familia Addams ia ave un influe forte sur cartunes, televisa, e sinema, e ance como un inspira per la sucultur de la "goto" e sua moda. Los es videda como un de la familias la plu iconin en la istoria american, e un inspira per otras, de la Flintstones a la Simpsons.