La balsa de Medusa

De Vicipedia
Jump to navigation Jump to search
JEAN LOUIS THÉODORE GÉRICAULT - La Balsa de la Medusa (Museo del Louvre, 1818-19).jpg

La balsa de Medusa (franses Le Radeau de la Méduse) es un pinta de olio de 1818-1819 par la depintor romantica franses Théodore Géricault (1791–1824). Completida cuando la artiste ia ave 27 anios, la obra ia deveni un icon de la Romanticisme franses.

Géricault ia deside depinta esta aveni per lansa sua carera con un obra vasta nonencargada sur un sujeto cual ia jenera grande interesa en la popla. La aveni ia fasina el, e ante el ia comensa labora sur la depinta final, el ia emprende un rexerca estendosa e ia produi multe desinias per prepara. El ia intervisa du de la survivores e ia construi un model detaliada de la balsa. El ia visita ospitales e morerias do el ia pote vide, la color e trama de la carne de la morinte e la mor. Como el ia espeta, la depinta ia es multe controversa cuando ia apare en la Salon de Paris en 1819, atraente lodas e condenas. An tal, lo ia institui sua fama internasional e oji es videda como seminal en la istoria temprana de la promove romanticiste en la depinta franses.

An si La balsa de Medusa reteni elementos de la tradisiones de la istoria de depinta, en ambos sua eleje de la sujeto e sua presenta dramal, lo representa un rompe con la calma e ordina de la scola neoclasica dominante. La obra de Géricault ia atrae grande atende de sua mostra un e ia es esibida en London. La Louvre ia oteni lo poca pos la mori de la autor con 32 anios. La influe de la depinta pote es videda en la obras de Eugène Delacroix, J. M. W. Turner, Gustave Courbet e Édouard Manet.

La balsa de Medusa representa la momento cuando, a pos 13 dias vagante en la balsa, la 15 survivores restante vide un barco prosiminte. Seguente un resenior brites temprana, la obra es representada en la momento en cual "on pote dise ce la ruina de la balsa pote es completa". La depinta es fada a un scala monumental de 491 × 716 cm, alora la figures es representada en grandia real. La regardor es sumerjida en la ata fisical como partisipor.