Kriegspiel

De Vicipedia

Kriegspiel (pronunsia en elefen: crigspil; de deutx per "jua de gera") o xace sieca, ia es inventada par Michael Temple en 1899, fundida sur la orijinal (kriegsspiel, cual ia es un jua de miniatures representante gera vera) inventada par Georg von Reiswitz en 1812. Per kriegspiel, cada juor pote vide sua propre pesos, ma no los de sua oposor. Per esta razona, lo es nesesada ce on ave un person tre (o un computador) per ata como un arbitror, con informa completa de la progresa de la jua. Cuando un juor ave sua turno, el va atenta un move, cual la arbitor va declara como "legal" o "nonlegal". Si la move es declarada nonlegal, la juor atenta ancora; si lo es legal, acel move aveni. Cada juor es donada informa de xaces e caturas. Los pote ance demanda de la arbitor si on ave cualce caturas legal con un peon. Car la locas de la pesos de la oposor, kriegspiel es un jua de informa nonperfeta.

La jua es juada sur tre tables: un per cada juor, e un per la arbitor (e oservores). On ave multe regulas diferente per kriegspiel. La regulas de la Club Internasional de Xace es asi:

La arbitor anunsia:

  • "Blance" (o "negra") move;
  • "Peon atenta" (cuando un peon atenta catura);
  • "Peon caturada";
  • "Peso caturada";
  • "No!" (cuando un move atentada no es legal);
  • "Nunca!" (cuando un move atentada no es an un move permeteda en xace normal);
  • "Xace a la vertical";
  • "Xace a la orizonal";
  • "Xace a la diagonal longa";
  • "Xace a la diagonal corta";
  • "Xace par cavalo";
  • "Xacemata" o "fini egal"
  • Levas de peones no es anunsiada