Konane (jua)

De Vicipedia
Jump to navigation Jump to search
Kōnane juada con petras sur un table de lenio

Kōnane es un jua de table per du juores, orijinal de Hawaii. Lo ia es inventada par la polinesianes antica de Hawaii. La borda es tipal un retangulo 9×13, 14×17, o 13×20, o un cuadro entre 6×6 a plu ca 14×14. Orijinal, lo ia es juada con pesos peti de coral blanca e lava negra. La jua comensa con la pesos pleni la table en un motif alternante.

La juor negra comensa prima e debe sutrae un de sua pesos de la media de la table. Blanca alora move un de sua pesos de la sentro a la spasio creada par negra, resultante en du cuadros abrida e ortogonal visina a la table. De alora, la juores alterna a catura la pesos de la otra. Tota moves debe es caturas. On catura un peso par salta supra lo en un modo simil a damas, ma sempre ortogonal e nunca diagonal. La saltas es de un lado de la peso enemin a la otra lado, e estendes no es asetable. Ma, la peso pote continua salta otra pesos si la salta es un continua linia de la prima, sin cambia la dirije. La juor pote para esta saltas a cualce tempo, ma debe catura a min un peso enemin en un turno. Pos esta, la otra juor debe salta, etc.

La juor prima ci no es capas de catura es la perdor, e sua oposor es la ganior.