Jardin

De Vicipedia
Salta a: naviga, xerca
Un jardin japanes

Per plu, vide la categoria jardin.

Un jardin es un spasio desiniada, plu comun estra casa, per la mostra, cultiva, e joia de plantas e otra formas de natur. La jardin pote usa materias e natural e artifis. La forma la plu comun oji es la jardin de casa, ma la sinifia es plu jeneral.

Alga formas tradisional de jardines de Asia - per esemplo, jardines zen, usa poca plantas. Alga jardines usa plantas nativa cual no nesesa iriga o otra furnis e ancora furni la bonis de un abita natural. Otra jardines inclui strutures como pergolas o cabanas, fontes, stanges, o an lagetas, cascadas o rietas, scultas, e otra cosas divertinte.

An si multe jardines es sola per orna, otras ance produi plantas comable. Los es distinguida de cultiverias par sua grandia peti e sua intende (pd como un pasatempo e no per vende). Ma alga jardines prosimi ortos en grandia! Jardines floral misca plantas de altias, colores, tramas, e odores per crea interesa e plaser.

La labora de la jardin es un ativia de e amatores e profesales. Un jardinor pote ance labora en otra locas, como un parce o areas spesial en vilas o sites. Arcitetores de jardines es un profesa relatada de persones ci spesiali en la desinia de spasios per clientes publica e corporal.