Introdui de cristianisme en Danmarc
La introdui de cristianisme en Danmarc ia es un prosede longa cual ia causa la sustitui la cristianisme per la relijio tradisional nordica como la relijio dominante en Danmarc. En la periodo entre 700 e 1300 la pais ia esperia un cambia cultural grande, car la sosia tradisional tribal ia es recambiada par un monarcia sentrida, seguente la model de Europa ueste. Esta periodo inclui la cambia entre la preistoria e la eda medieval dansce e coaveni con la eda vicing. La developa la de eglesa dansce ia es un parte de la istoria de la eglesa en Europa e multe cambias cual aveni en lo ia aveni ance en Danmarc.