Internasionalisme

De Vicipedia
Jump to navigation Jump to search
La bandera de la Nasiones Unida, la institui xef per la promove de acorda internasional

Internasionalisme es la prinsipe political cual transende nasionalisme e promove un coopera political o economial plu grande entre nasiones e poplas.

Suportores de esta prinsipe es comun nomida internasionalistes, e crede tipal ce la popla de la mundo debe uni tra bordas nasional, political, cultural, razal, o clasal per avansa sua interesas comun, o ce la governas de la mundo debe coopera car sua interesas mutual de dura longa importa plu ca sua disputas de dura corta.

Internasionalisme es plu comun espresada como un valua per la cultures diversa en la mundo, e un desira per pas mundal. Persones ci espresa esta vista crede no sola ce cadun debe es un sitadan de sua nasiones propre, ma ce cadun debe es ance un sitadan de la mundo. Internasionalistes comun senti obligada per aida la mundo par sua gida e carita.

Internasionaliste ance promove la presente de organizas internasional, como la Nasiones Unida, e comun suporta un forma plu forte de governa mundal.

Contribuores a la varia moderne de internasionalisme inclui Albert Einstein, ci ia crede en un governa mundal, e clasida la folias de nasionalisme como un "maladia enfantin". A la otra lado, otra internasionalistes como Christian Lange e Rebecca West vide desacorda minimal entre teni credes nasionaliste e internasionaliste.