Idrojen

De Vicipedia
Jump to navigation Jump to search
Protium.svg

Idrojen es la elemento cimical con la simbol H e numero atomal 1. Lo ave un pesa atomal de 1.008, cual sinifia ce lo es la elemento la plu lejera en la table periodal. Idrojen es la elemento la plu comun en la universa, composante 75% de tota masa barional. La parte la plu grande de stelas es idrojen. la isotopo la plu comun de idrojen - protio - ave un proton e un eletron. Idrojen ave tre isotopos, la otras nomida deuterio e tritio. Como idrojen normal, ambos ave sola un proton e un eletron, ma deuterio ave ance un neutron e tritio ave du. Esta isotipos es importante en enerjia nucleal e reatas en cimica organica.

A un temperatur e presa normal, idrojen no ave color, odor, o sabor, no es tosica, es un nonmetal e arde multe fasil. Cuando solitar, lo plu comun lia se con se mesma, resultante en H2. Idrojen pur es normal composada de du atomes de idrojen liada con lunlotra, cual es nomida un moleculo diatomal. Lo pote ave un reata cimica cuando miscada con la plu de otra elementos.

En sua forma pur sur tera, idrojen es normal un gas. Idrojen es ance un de la partes de la moleculo de acua. Idrojen es importente car lo es la combusta cual provide enerjia per la sol e otra stelas. Idrojen pur es multe rara en la atmosfera de tera. En natur, lo es normal un parte de acua. Idrojen es ance en tota viventes, como un parte de la composadas organica de cual viventes es composada. Plu, atomes de idrojen pote combina con atomes de carbono per formi idrocarbonos. Petrolio e otra combustas de fosiles es composada de esta idrocarbonos e comun usada per crea enerjia per usa umana.

Idrojen ia es prima separada en 1671 par Robert Boyle. En 1776, Henry Cavendish ia identifia lo como un elemento distinguida e ia descovre ce si on arde lo, on produi acual. Antoine Lavoisier ia nomi idrojen, de la parola elinica 'υδορ ("acua") e γεννάω ("jenera") per sua capasia per lia con osijen per crea acua.