Hollandes volante

De Vicipedia
La Hollandes volante, par Albert Pinkham Ryder (1887)
La Hollandes volante, par Charles Temple Dix (1860)
Un copia de un Indiaman de la VOC

La Hollandes volante (nederlandes: De Vliegende Hollander) es un lejenda de un fantasma restrinjeda a un barcon, condenada per naviga la mares per eterna. La mito ia orijina probable de la "eda oro" de la Compania Nederlandes de la Indes Este (nederlandes: Vereenigde Oostindische Compagnie, o VOC) en la sentenio 17. Nota ce, en acel sentenio, la flotila comersial de Nederlande ia es probable plu ca la flotilas combinada de England, Frans, Espania, Portugal, e Deutxland.

La varia la plu vea esistente ia es de la sentenio 18 tarda. Vides en la sentenios 19 e 20 ia reportada ce la barcon ia brilia con un lus fantasmal. Si lo ia es clamada par un otra barcon, la ecipo de la Hollandes volante ta atenta envia mesajes a tera o a persones longa morida. En la mitos de mares, la vista de esta barcon es un predise de desastre.

Originas[edita | edita la fonte]

la refere prima primida a la barcon apare en Viajas en partes variosa de Europa, Asia, e Africa en un serie de 30 anios e plu (1790) par John Macdonald:

La clima ia es tan tempestosa ce la marinores ia dise ce los ia vide la Hollandes volante. La nara comun es ce esta Hollandes ia veni a la Capo en la turba de clima e ia desira vade a porto, ma no ia pote trova un pilote per condui la barcon e la es perdeda e ce de acel ora en clima mal sua vide apare.

La refere seguente es en capital ses de Un viaja a Baia Botania (1795), atribuida a George Barrington:

Me ia oia frecuente de la superstisio de marinores regardante fantasmas e desastre, ma me ia dona nunca multe crede a la reporta; lo pare ce, alga anios pasada, un barcon-de-gera nederlandes ia es perdeda de la Capo de Bon Espera, e tota person a en ia mori; la barcon cual acompania el ia survive la tempesta, e ia ariva a la Capo pronto pos. Pos es reparada, e reveninte a Europa, los ia es atacada par un tempesta violente a sirca la mesma latitude. En la vijila de note, alga de la persones ia vide, o ia imajina vide, un barcon stante ante los su velas plen como el ta ruina los: un person spesifada ia afirma ce el ia es la barcon cual ia afonda en la tempesta presedente, e ce el ia es serta la mesma, o la fantasma de el; ma pos ce la aira clari, la ojeto, un neva densa e oscur, ia desapare. No cosa ia pote sutrae la idea de esta fenomeno de la mentes de la navigores; e, pos ce los ia relata la situa cuando los ia ariva a porto, la nara ia sperde como un foco savaje, e la fantasma suposada ia es nomida la Hollandes volante. De la marinores engles e nederlandes ci ave la osese, e on ave vera poca barcones Indiaman, ma ce algun embarcada ci reclama vide la fantasma.

La refere seguente introdui la idea de un puni per un crimin, en Senes de enfantia (1803) par John Leyden:

Lo es un superstisio comun de marinores ce, en la latitudes sude alta a la costa de Africa, siclones es comun introduida par la apare de un barcon fantasmal, nomida la Hollandes volante ... La ecipo de esta barcon es suposada como culpable de un crimin asustante, en la enfantia de naviga; e ce los ia es punida par pesta ... e es comandada ancora per traversa la mar sur cual los ia afonda, asta ce la periodo de sua espia ta fini.

Thomas Moore loca la barcon en la Atlantica norde en sua poesia Scriveda cuando pasante la Isola de la Morida en la Golfo de San Laurens, tarda en un sera de setembre 1804:

Liscante rapida, un barcon oscur
Sua velas es plenida, an ce la venta es cuieta,
E no an un suspira venti per pleni sua selas.

Walter Scott, un ami de John Leyden, ia es la prima person ci ia refere a la barcon como un de piratas, scrivente en un poesia ce la barcon ia es orijinal cargada con ricas grande, sur cual alga ata repulsante de mata e piratia ia es fada.

Seguente alga fontes, la capitan nederlandes Bernard Fokke en la sentenio 17 ia es la model per la capitan de la barcon fantasmosa. Fokke ia es famosa per la rapidia de sua viajas de Nederland a Djava, e ia es suspetada de es aliada con la Diablo. Un otra nom asosiada con la nara es capitan Hendrick van der Decken, ci, lo es crededa, ia jura ce el ta pasa la Capo de Bon Espera an si lo ta dura asta la dia de judi.

Reportas[edita | edita la fonte]

On ave multe reportas de vides en la sentenio 19 e 20. Nicholas Monsarrat, la noveliste ci ia scrive La Mar Cruel, ia reporta ce el ia vide la fenomeno sur la Mar Pasifica cuando servinte en la dragabombeta HMS Jubilee como un ofisior en la Marina Real en la Gera Mundol Du.

Un otra vide ia es par Prinse George de Cimri, la Re George 5 futur. El ia es a un viaja de tre anios en sua adolese en 1880 con sua frate plu vea Prinse Albert Victor de Cimri e sua ensenior John Neill Dalton. Los ia recorda la avenis seguente per matina de 11 Julio 1881, de la costa de Australia en la Streta Bass entre Melbourne e Sydney:

11 Julio. A cuatro ora, la Hollandes volante ia crusi nosa proa. Un lus roja strana, como de un barcon fantasmin briliante, en la media de eta lus, la mastos, ramos, e velas de un brigantin 200 iardes de distantia, ia mostra se en releva forte cuando el veni a la proa de porto, do ance la ofisior de la vijila de la ponte ia vide clar, como ance la ofisior mediabarcon de cuatri teto, ci ia es enviada a fronte pronto a la teto fronte; ma cuando arivante no reta e no cualce sinia de cualce forma de un barcon material ia pote es videda o prosima a direta a via a la orizon, con la note clar e la mar calma. 13 persones intera ia vide el ... A 10:45, la marinor comun ci ia reporta esta matina la Hollandes volante ia cade de la ramos crusinte la masto alta fronte a la testo fronte de la ramo media e ia es craseda a atomes.

(ramo - spar; mediabarcon - midship; cuatri teto - quarterdeck; teto fronte - forecastle; ramos crusinte - crosstrees; masto alta fronte - foretopmast; ramo media - topgallant)