Hitita (lingua)

De Vicipedia
Jump to navigation Jump to search
Un tablet con cuneforma hitita
La Impero Itita a sua estende la plu grande, su Šuppiluliuma I (sirca 1350–1322 aec) e Muršili II (sirca 1321–1295 aec)

Hitita (o "nexili" – "la lingua de la nexa") es un lingua estinguida parlada par la hititas, un popla indoeuropean ci ia crea un impero sentrida a Hattusa en Anatolia norde-sentral. La lingua es atestada en cuneforma en rejistras de la sentenios 16 a 13 aec. Lo es la lingua la plu temprana rejistrada de la linguas anatolian. En la eda de bronze tarde, hitita ia comensa perde sua importa contra sua relatada luvian. Pos la ruina de la impero, luvian ia deveni la lingua major de la statos de Anatolia sude-ueste e Suria norde.

Hitita cuneforma es un forma ajustada de la cuneforma de Acad en Suria norde. La scrive es silabal, e esta causa difisilias en descovre la cualias fonetical de multe parolas. La silabario ia distingui esta consonantes:

b, d, g, ḫ, k, l, m, n, p, r, š, t, z

Los es combinada con la vocales "a", "e", "i", e "u". Ance, sinias per "ia", "ua", e "ui" ia es usada.

La silabas per "g", "b", e "d" es duplida per indica silabas per "k", "p", e "t".

La fonolojia de hitita es composada de esta sonas:

Vocales: /i/, /e/, /a/, /u/, con distinguis entre corta e longa.

Consonantes esplodente: /p/, /b/, /t/, /d/, /k/, /g/, /kw/, /gw/.

Otra consonantes: /m/, /n/, /s/, /ts/, /r/, /l/, /y/, /w/

Larinjales: Hitita ia conserva du de la tre larinjales orijinal de protoindoeuropean (/h2/ e /h3/, a la comensa de parolas). Esta es un confirma de la ipotese de Ferdinand de Saussure fundida sur la cualias de vocales en otra linguas indoeuropean. La larinjales e otra cualias de hitita ia condui alga linguistes a sujesta ce hitita e la otra linguas anatolian ia separa plu temprana de la resta de protoindoeuropean ca la otra clases de la protolingua.

Hitita no ave alga cualias gramatical trovada en otra linguas indoeuropean "vea" como sanscrito, latina, elinica antica, parsi antica e avestan. La esemplo la plu clar es ce hitita no ave la sistem de seso gramatical cual distingui mas e fema. En loca, lo ave un sistem fundida sur un distingui plu vea entre animada-nonanimada.

La ordina de parolas en un frase es normal SOV (sujeto-ojeto-verbo).

Pronomes[edita | edita la fonte]

Me Tu Nos Vos El Lo
nom. uk zik wes sumes -as -at
acc. ammuk tuk anzas sumas -an -at
jen. ammel tuel anzel sumel sel sel
dat. ammuk tuk anzas sumas setani setani
abl. ammedaz tuedaz anzedaz sumedaz sez sez

Nomes[edita | edita la fonte]

Nomes en hitita ave esta casos: nominativa (sujeto), acusativa (ojeto), dativa-locativa, jenitiva (posese), ablativa, alativa e strumental. Los ave ance la distingui entre singular e plural e un distingui entre animada (o comun) e nonanimada (o neutra) en la caso nominativa.

En sua forma la plu simple, la declina de nomes funsiona como esta, usante la esamples de pisna- ("om") per la animada e pēda- ("loca") per la nonanimada:

Animada
singular
Animada
plural
Nonanimada
singular
Nonanimada
plural
nominativa pisnas pisnēs pēdan pēda
accusativa pisnan pisnus pēdan pēda
jenitiva pisnas pisnas pēdas pēdas
dativa pisni pisnats pēdas -
ablativa pisnats pēdi pēdats pēdats
alativa pisna - pēda -
strumental pisnit - pēdit -

Verbos[edita | edita la fonte]

La sistem de verbos en hitita es min complicada ca en otra linguas indoeuropean antica. On ave du clases jeneral de verbos: la conjuga "mi" e la conjuga "hi". On ave du voses (ativa e mediopasiva), du modas (direta e comanda) e du tempos (presente e pasada). Ance, la sistem ave du formas de infinitiva, un nom verbal, un forma de intende (supino) e un partisipio.

La conjuga "-mi" es simil a la sistem en sanscrito e elinica antica:

Per esemplo (conjuga "-mi", ativa):

sing. 1 sing. 2 sing. 3 plur. 1 plur. 2 plur. 3
presente -me -si -zi -weni -teni -anzi
pasada -un/-nun -s/-t/-ta -t/-ta -wen -ten/-tin -er/-ir
comanda -llu/-allu Ø/-i/-t -du -weni -ten/-tin -andu

nonfinitiva[edita | edita la fonte]

  • nom verbal: -war
  • infinitiva 1: -wanzi
  • infinitiva 2: -anna
  • intende: -wan
  • partisipio: -ant-