Himalaia

De Vicipedia
Jump to navigation Jump to search
Everest North Face toward Base Camp Tibet Luca Galuzzi 2006 edit 1.jpg

Himalaia es un montania en Asia, entre la sucontinente de India e la plano alta de Tibet. Sua nom veni de un parola sanscrito per "la abitada de neva". Lo conteni la montes la plu alta de mundo: la "oto-miles" (los de plu ca 8 000 metres), incluinte Sagarmata (o Everest). Per comprende la grandia de Himalaia, considera ce lo ave plu ca 200 montes plu alta ca Aconcagua, la montania la plu grande en America Sude. On dona a Himalaia la nometa "la teto de la mundo".

Himalaia estende tra ses nasiones: Butan, Xina, India, Nepal, Pacistan e Afganistan. Lo es la orijina de tre de la sistemes de rios la plu grande: la Rio Indo, la Ganga-Bramaputra, e la Rio Iangtse. Himalaia es un sistem joven, la resulta de un xoca entre India e la resta de Asia a sirca 70 milion anios ante aora. Lo ave 2 400 km de longia, entre 150 e 400 km de largia, e es composada de tre cadenas de montes paralel.