Guosa
Guosa es un lingua construida creada orijinal par Alex Igbineweka en 1965. Lo ia es desiniada per es un combina de la linguas nativa de Nijeria, e per servi como un lingua franca per Africa ueste.
Fontes de vocabula
[edita | edita la fonte]An si guosa prende sua vocabulo de a min 118 linguas nativa de Africa ueste, la plu de la vocabula es derivada de Hausa, Ioruba, e Igbo. Engles furni multe de la termas plu tecnical. Alga parolas ia es produida par simbolisme de sonas, pd meeh ("ovea"), yanmu-yanmu ("moscito"), e wuam ("come").
La roles diferente de parolas es frecuente derivada e linguas spesifada. La plu de nomes concreta es de hausa, verbos e nomes astrata es plu comun de igbo o ioruba. A veses, parolas de tota tre linguas es fusada per crea un parola cual sembla tota tre. Per esemplo, la parola méni es de hausa menini, igbo gini, e ioruba kini, tota sinifiante "cual".
Fonolojia
[edita | edita la fonte]Consonantes
[edita | edita la fonte]| Labial | Alveolal | Postalveolal Palatal |
Velal | Labiovelal | Glotal | ||
|---|---|---|---|---|---|---|---|
| Nasal | m | n | ɲ | ŋ | |||
| Esplodente Africante |
sin vose | p | t | tʃ | k | k͡p | |
| sin vose prenasalida |
ᵐp | ⁿt | ⁿt | ᵑk | ᵑ͡ᵐk͡p | ||
| con vos | b | d | dʒ | ɡ | ɡ͡b | ||
| con vose prenasalida |
ᵐb | ⁿd | ⁿdʒ | ᵑɡ | ᵑ͡ᵐɡ͡b | ||
| Fricante | sin vose | f | s | ʃ | x | h | |
| con vose | v | z | ɣ | ||||
| Prosiminte | l | j | w | ||||
| Rotica | r | ||||||
Vocales
[edita | edita la fonte]| Corta | Longa | Nasal | ||||
|---|---|---|---|---|---|---|
| Fronte | Dorsal | Fronte | Dorsal | Fronte | Dorsal | |
| Cluida | i | u | i: | uː | ĩ | ũ |
| Media cluida | e | o | eː | o | ẽ | õ |
| Abrida | a | a: | ã | |||
Tono
[edita | edita la fonte]On ave tre tonos en guosa: alta, media, e basa. On ave ance du tonos "contorno", basa-levante e alta-cadente. Alta es scriveda con ´, basa con `, basa-levante con ˇ, e alta-cadente con ˆ.
Elidi
[edita | edita la fonte]Elidi avenu cuando du vocales identica ta es visina, o con alga particulas de gramatica. Per esemplo, cuando la parola per pluralia é es poneda ante un parola cual comensa con un vocales, la é repone la otra vocal: é ómóntàkélé → émóntàkélé ("enfantes peti"). On pote usa un sinia de elidi cuando la du vocales es la mesma: ji inang → ji'nang (dudes-cuatro).
Fonotaticas
[edita | edita la fonte]Un silaba en guosa es tipal de la forma (C)(A)V(C). Alga parolas prestada pote ave la forma (C)(C)(C)V(C).
Scrive
[edita | edita la fonte]La alfabeta de guosa ave 23 leteras e alga digrames. La leteras q e x no es usada, e la letera c apare sola en la digram ch. La digram ng es usada per /ᵑg/ cuando a la comensa de un parola, e /ŋ/ cuando a la fini.
| Letera | AFI |
|---|---|
| a | a |
| b | b |
| d | d |
| e | e |
| f | f |
| g | ɡ |
| h | h |
| i | i |
| j | d͡ʒ |
| k | k |
| l | l |
| m | m |
| n | n |
| o | o |
| p | p |
| r | r |
| s | s |
| t | t |
| u | u |
| v | v |
| w | w |
| y | j |
| z | z |
La digrames:
| Digram | AFI |
|---|---|
| ch | t͡ʃ |
| gb | ɡ͡b |
| gh | ɣ |
| kh | x |
| kp | k͡p |
| ng | ŋ, ᵑk |
| sh | ʃ |
Gramatica
[edita | edita la fonte]Guosa es un lingua isolinte con un ordina de sujeto-verbo-ojeto. La majoria de sinifias gramatical es espresada par particulas cual presede la parolas cual los altera, como é (plural), ng (presente progresante), lá (perfeta), e kà (volente). On no ave articles como "la" o "un", e no seso gramatical o clases de nomes.
Pronomes
[edita | edita la fonte]Alga pronomes cambia per indica si los es sujetos o ojetos. Pluralia es indicada, e seso es elejable, ma sola entre fema e mas/neutra.
| sujeto | ojeto/posese | ||
|---|---|---|---|
| person prima, singular | mò (me) | mí (me/mea) | |
| person du, singular | o (tu) | yín (tu/tua) | |
| person tre, singular
person singular |
mas/neutra | ó (el, lo) | ya (el, sua) |
| fema | ta (el) | ta (el, sua) | |
| person prima plural | àwá (nos) | 'wá, kewá (nos, nosa) | |
| person du plural | ee (vos) | éyín (vos, vosa) | |
| person tre plural | ha, fa, su (los) | ha, fa, su (los, losa) | |
Un forma asentuada de la pronom es creada par ajunta la sufisa -wan. An si posese es comun indicada par pone la forma ojetal de la pronom po la nom, la preposada nke ("de") pote es usada per indica posese ambigua.
Descriventes
[edita | edita la fonte]Como en elefen, ajetivos e averbos no es clases separada en guosa. Los segue lo cual los altera.
En guosa, on ave tre grados de compara:
- rámá "bon" → rámá jù "plu bon"
- rámá jù khà "la plu bon" (leteral "multe plu bon")
- rubi "mal" → rubi jù khàkáa "la mal la plu estrema"
Verbos
[edita | edita la fonte]En guosa, tota verbos ave sola un forma. On ave un copula, wù, ma lo es usada sola con un nom completinte. Con ajetivos completinte, wù no es usada e la ajetivo condui se como un verbo;
- mò wù mámbézè "me es re"
- mò rámá "me es sana"
Alga particulas altera la tempo, aspeta, e modo de verbos. Los tipal presede la verbos, ma la particula lá segue la verbo.
- ng (presente continuante): mó sòngí 'sóngà "me canta un canta" → mó ng sòngí 'sóngà "me es cantante un canta"
- tí (perfeta): mò jòndú "me senta" → mò tí jòndú "me ia senta"
La particula lá es usada per crea un ajetivo cual funsiona simil a un partisipio ativa pasada. Esta pote ave un ojeto.
- mó kùndé "me velia" → mó kùndé lá "me es veliada"
Numeros
[edita | edita la fonte]- dáyá 1
- ejì 2
- ètá 3
- ìnàng 4
- ìsén 5
- ìsíì 6
- asáà 7
- asáto 8
- essé 9
- góma 10
multiples de des es cortis de la numeros simple:
- gó 10 (usada per 11-19)
- jì 20
- tá 30
- nà 40
- sén 50
- síì 60
- sá 70
- sát 80
- ssé 90
La multiples de 100 es creada par usa la radis reduplida:
- ejì gógó 200
- asáà gógó 700
La numeros ordinal usa la preposada nke.
- nke dáyá prima
- nke sáètá numero 73
- nke asáà gógó numero 700
Crea parolas
[edita | edita la fonte]Guosa usa alga particulos per crea parolas de otras:
ò - un person ci es descriveda par la radis, o la ator de un verbo; en la plural, esta es è.
- kózí "ensenia" → ò kózí "ensenior", è kózí "enseniores"
- gwùebí "fame" → ò gwùebí "person famea", è gwùebí "persones fame"
- mákárántá "scola" → ò mákárántá "studiante", è mákárántá "studiantes"
ì - crea un nom e ajetivo de un verbo o un otra nom:
- bísí "susede" → ìbísí "un susede, susedente"
- kózí "ensenia" → ìkózí "leson"
- rùshé "labora" → ìrùshé "la labora, laborante"
- máchè "fem" → ìmáchè "femia, fema"
La plu de deriva de parolas en guosa es par usa esta du particulas.
Esemplos:
- bìa kà ‘wá jé àbínchí.
- 'veni, ta ce nos come.'
- ò chètó ájì ‘wá shìengá la gídá.
- 'nosa vijilor ia parti per sua casa.'
- ó shìhé la kófà?
- 'esce tu ia abri la porte?'
- báasì, mó shìhé la kófà.
- 'si, me ia abri la porte.'
- bíko, fún mi ní rúwá.
- 'per favore, dona acua a me.'
Referes
[edita | edita la fonte]- Okafor, Judd-Leonard (20 March 2016). "Guosa: The lingua franca to oust English". dailytrust.com.ng.
- Dimgba, Njideka (20 March 2016). "Hausa, Igbo and Yoruba Are The Tripod of Guosa Language – Igbineweka". www.nico.gov.ng.
- Igbinéwéká, Alexander (31 January 2019). The Complete Dictionary of Guosa Language 2nd Revised Edition. Bloomington, IN: iUniverse. ISBN 978-1-5320-6574-3.
- Igbinéwéká, Alexander (1999). Teach Yourself Guosa Language Book 2: Nigeria’s future common indigenous lingua franca. Richmond, CA: Guosa Publication Services.
- Idris, Shaba Abubakar (25 March 2019). "50 UniAbuja students undergo Guosa language training". dailytrust.com.ng.
- Fakuade, Gbenga (Jan 1992). "Guosa: An Unknown Linguistic Code in Nigeria". Language Problems and Language Planning. 18 (1): 260–263. doi:10.1075/lplp.16.3.06fak.