Ginco

De Vicipedia
Jump to navigation Jump to search
Ginkgo Biloba Leaves - Black Background.jpg

La gincos es un jenero de plantas nonflorinte multe strana. Sola un spesie survive – Ginkgo biloba – e on regarda lo como un fosil vivente. La gincos antica ia apare en la eda permian, sirca 270 milion anios en la pasada. Sua relatadas la plu prosima es la sicades, cual ave la mesma spermas movente como la Gingko biloba de oji.

La Gingko biloba es orijinal de Xina, do on nomi lo yín xìng (銀杏). Lo ave no relatadas prosima vivente. La arbor ia es cultivada tra la mundo en la edas antica, e lo ave usas diversa como un comeda e en medica tradisional.