Fobia
.jpg)
Un fobia es un tipo de sindrom de ansia, definada como un teme esesente e persistente de un ojeto o situa. Los resulta tipal en un comensa rapida de teme e es presente per plu ca ses menses. La person pote atenta evita la ojeto o situa a un grado plu intensa ca la peril vera. Un resulta comun es un ataca de panica. Con fobias de sangue o feri, desmaia pote resulta.
Fobias pote es divideda entre fobias spesial, fobias sosial, e agorafobia. Tipos de fobias spesial inclui los consernante alga animales, aspetas de la ambiente, sangue o feri, e situas spesial. La plu comun fobias spesial es la teme de aranias, serpentes, altia, enclui, e foco (aracnofobia, ofidiofobia, acrofobia, claustrofobia, e pirofobia, en ordina).
La tende de developa fobias pote es trovada en familias, cual sujeste ce a min un parte de los es jenetical. Un otra indica es ce un person con un personalia neurosica, pd tendente a reatas emosial esesente. Ma fobias es normal developada par aprende simple (vide Ivan Pavlov e B. F. Skinner), par aprende par oserva otras (vide Albert Bandura), e par aprende par educa o informa (pe par vide un filma sur sirurjia o animales menasante).
On pote trata fobias spesial par esposa la person (direta, con imajes, o en sua imajina) a la ojeto o situa, spesial con instrui en destensa. Si la person es ansiosa par sua natur, la usa de medisines antiansial per un dura corta pote aida los.