Fernando de Leyba
Fernando de Leyba Vizcaigaña (Ceuta, 24 julio 1734 - 28 junio 1780) ia es un militar e politiciste espaniol. El ia es governor de Louisiana Alta de 1778 asta sua mori.
Briografia
[edita | edita la fonte]Fio de Jerónimo de Leyba y Córdova (naseda en Antequera) e de Josefa Vizcaigaña (naseda en Ceuta). El ia entra en la armada en 1752. Ante de move a America e ia es en Oran. Sua destina prima en America ia es en Cuba, do el ia luta e ia es caturada en la Batalia de Havana en la Gera de Sete Anios. A pos es librida el ia deveni teninte.
A pos el ia deveni capitan e ia es moveda a Louisiana espaniol, do ia es nomida comandor de Louisiana Alta. Don Bernardo de Gálvez y Madrid, governor de Louisina en Orleans Nova, ia ordina informa el sur la novas en relata con la Gera de Nondepende de Statos Unida e encarga el con la coresponde con la xef esuan.
Leyba ia conose a George Rogers Clark du menses plu tarda, cuando Clark, vinsente en Kaskaskia, ia visita San Luis de Ilinueses de do la espaniol ia labora como governor. Teminte un ataca de Detroit, Clark ia sujesta a Leyba forti la site, cual el ia comunica a Gálvez. Par causa ce en la luta entre Espania e Britan, an no declarada ofisial, la recursos de la Impero Espaniol ia es usada en otra locas, Gálvez ia demanda a Leyba fa la forti con sua propre furnis.
La gera con la brites ia es declarada a comensa de 1780 e la ataca sur San Luis ia aveni la 26 maio. Leyba ia colie alga mone, esente la dui de el mesma, per comensa construi la forti de San Carlo. An tal, par sua detas el no ia pote completi la projeta e, cuando la luta ia comensa, sola un tore e parte de un tore du ia es completida. An con la defendes mancante, la resiste de la pico soldatos espaniol junta a la militia local ia rejeta la ataca brites, ci ante retira ia destrui la eleverias prosima.
En acel momento la sania de De Leyba ia es multe mal e el ia mori en 18 junio. La reporta de sua atas ia ariva a Gálvez pos sua mori e la jeneral, multe impresada, ia dona a el la grado de teninte coronel pos mori.