Felisia

De Vicipedia
Un om felis, de Txile

La felisia es un estende de emosias o sentis cual resulte da la satisfia de desiras o la asentia de dole o triste. La felisia pote es ance la esperia de un bon cualia de vive o un pas interna. La oposa de la felisia es la tristia.

On ave embarcas diferente a la studia de la felisia e de sua causas, cual ia es usada par la filosofia, la relijio e la psicolojia. Persones ia xerca sempre la felisia e tan multe de la filosofistes e relijiosas ia dedica se a descovre sua causas e cual tipo de condui o stilo de vive aumenta nosa felisia. Esta pensores ia vide la felisia como lo cual nos clama oji cualia de vive, e no simple como un emosia. En esta sinifia la felisia es lo cual la elinicas antica ia clama eudaimonia, un terma ancora usada en etica. Per la emosias plu simple, la filosofistes ia prefere usa la parola plaser.

Car lo es difisil defini felisa, lo es ance multe difisil mesura lo. Psicolojistes ia developa metodos variosa, per esemplo la "Lista de benes de felisia de Oxford", per mesura la nivel de felisia de un individua. En esta, los inclui fatores e fisiolojial e psicolojial. En la rexercas, on encontra fatores como la envolve relijiosa o political, state sivil, relatas familial, eda, revenu, etc.

La psicolojia positiva es un move resente de la siensa psicolojial cual asentua a la studia de la sania mental, contra la psicolojia plu tradisional cual studia sola la patolojias. Los lia felisia jeneral con emosias e ativias positiva.

La teoria de la economia de la cualia de vive sujeste ce mesuras de felisia debe es ajuntada a la indicadores economial plu tradisional, como la produi interna cru, la infla, etc.

Referes[edita | edita la fonte]

Filosofia e tecnolojia