Fantasma

De Vicipedia
Un imaje de un fantasma "tipal" de la mundo moderne
"Catrinas", imajes de la "dia de mores", un festa en Mexico

En mitolojia, relijio, e folclor, un fantasma es la spirito de un person o animal morida cual pote afeta la vivente. La descrives varia de un presentia nonvidable a un forma diafanosa e cuasi vidable, a apares realin e vivin.

La crede en la esiste de un vive pos mori, e de la apare de la spiritos de la mor, es vasta, e dati a la animisme e adora de la asendentes en cultures sin scrive. Alga rituos relijiosa, como los de funeras, esorsi, spiritisme, e contata con la mor, continua en esta eda moderne. Fantasmas es jeneral descriveda como esentes umanin solitar, ma naras de armadas de spiritos e la spiritos de animales es ance reportada. Comun, los es crededa como infestante locas o cosas spesifada, o persones con ci los ia es asosiada cuando vivente. En un studia par la Pew Research Center de 2015, sirca 18% de americanes dise ce los ia vide un fantasma.

La acorda suprabundante de siensa es ce fantasmas no esiste. Sua esiste no es posible per falsi, e spiritisme de cualce tipo es clasida como un pseudosiensa. Ma la idea persiste en la eda moderne en leteratur, teatro, filma, e televide. En psicolojia, lo es suposada ce fantasmas refleta la desira per reteni amis e familia pos mori, e a la otra lado como un ilude creada par la mente per esplica la temes e ansias cual pare sin razona.