Familia

De Vicipedia

Familia sinifia un grupo de persones ci es relatada e, en multe casos, abita la un con la otras. Esta persones ave un asendente comun tra un linia de familia, tra adota o tra sposi.

Un forma de familia comun en la mundo moderna es la familia nucleal, con sola jenitores e enfantes. Ance comun es la familia "sunucleal", itipal un madre e un enfante. En la pasada, e en alga partes de la mundo oji, familias pote es enorme, con multe jeneras e grados.

En la plu linguas, on ave multe parolas per membros de un familia. En elefen, nos ave estas:

Nomes de membros de la familia en elefen
Nota ce, en parla comun, on no usa la prefisas du-, tre-, etc, o la indicas de grados. Tio e tia es per tota persones coladal ci es de cualce jenera plu alta, sobrino e sobrina per los ci es de cualce jenera plu basa, e cusin e cusina per los ci es de la mesma jenera.

parolas jeneral[edita | edita la fonte]

  • asendente (ancestor)
  • desendente (descendant)
  • familia (family)
    • linia de familia (family line)
  • jenera (generation)
  • relata (relation)
  • prometeda (engaged, engagement; fiancé/fiancée)
  • sposi (marry, marriage)
    • sposida (married)
    • nonsposida (unmarried, single; bachelor)
  • divorsa (divorce)
  • vidua: un person de ci sua sposa/o es mor (widow/widower)
    • viduida (widowed)
  • ... propre: un person relatada "par sangue" (by blood)
  • ... par lege: un person ci es un relata de la sposa/sposo de la madre/padre de un otra (step-)
  • ... par sposi: un person ci deveni relatada par sposi (-in-law)
  • ... par adota: un person ci deveni relatada par adota (adoptive)
  • dui- : un person con ci on comparti un jenitor ma no la otra (half-)

la jenera presente[edita | edita la fonte]

  • conaseda (sibling): un person ci ave la mesma jenitores como un otra person
  • frate (brother): un person mas ci ave la mesma jenitores como un otra person
  • sore (sister): un person fema ci ave la mesma jenitores como un otra person
  • duifrate: un person mas ci ave un de la mesma jenitores como un otra person (half brother)
  • duisore: un person fema ci ave un de la mesma jenitores como un otra person (half sister)
  • cusino: la fio de la sore o la frate de un de la jenitores (first cousin); cualce relata mas de la mesma jenera, estra la frates
  • cusina: la fia de la sore o la frate de un de la jenitores (first cousin)
  • cusin de grado du: la nete de la conaseda de la avi (second cousin)
  • cusin de grado tre: la dunete de la conaseda de la duavi (third cousin)
  • spos (spouse)
  • sposa (wife)
  • sposo (husband)
  • frate par lege: la fio o de la madre par lege o de la padre par lege (step-brother)
  • sore par lege: la fia o de la madre par lege o de la padre par lege (step-sister)
  • frate par sposi: la frate de o la spos, o la sposo de la sore (brother-in-law)
  • sore par sposi: la sore de o la spos, o la sposa de la frate (sister -in-law)
  • sposa/o pasada (ex-wife/husband)
  • sposa/o futur (bride/groom-to-be)
  • sposa/o nova (bride/groom, newlywed)

la jenera asendente par un[edita | edita la fonte]

  • jenitor: la madre o padre (parent)
  • madre (mother)
  • mama (mama)
  • padre (father)
  • papa (papa)
  • madre par sposi: la madre de la spos (mother-in-law)
  • padre par sposi: la padre de la spos (father-in-law)
  • madre par lege: la sposa de la padre, ci no es la madre propre (step-mother)
  • padre par lege: la sposo de la madre, ci no es la padre propre (step-father)
  • madrin (godmother)
  • padrin (godfather)
  • tia: la sore de la madre o de la padre (aunt); cualce relata fema de un jenera asendente, estra la madre
  • tio: la frate de la madre o de la padre (uncle); cualce relata mas de un jenera asendente, estra la padre
  • tia/o de grado du: la fie de la conaseda de la avi (first cousin once removed)
  • tia/o de grado tre: la nete de la conaseda de la duavi (first cousin twice removed)
  • tie: un tia o tio

la jenera desendente par un[edita | edita la fonte]

  • enfante / fie (fia o fio) (child)
  • fia (daughter)
  • fio (son)
  • fia par lege: la fia de la sposa/o, ci no es la fia propre (step-daughter)
  • fio par lege: la fio de la sposa/o, ci no es la fio propre (step-son)
  • fia par sposi: la sposa de la fio (daughter-in-law)
  • fio par sposi: la sposo de la fia (son-in-law)
  • sobrina: la fia de la sore/frate (niece); cualce relatada fema de un jenera desendente, estra la fia
  • sobrino: la fio de la sore/frate (nephew); cualce relatada mas de un jenera desendente, estra la fio
  • sobrina/o de grado du: la neta/o de la sore/frate de la madre/padre (first cousin once removed)
  • sobrina/o de grado tre: la duneta/o de la sore/frate de la ava/o (first cousin twice removed)
  • sobrin: un sobrina o sobrino

la jenera asendente par du[edita | edita la fonte]

  • ava: la madre de un de la jenitores (grandmother)
  • avo: la padre de un de la jenitores (grandfather)
  • avi: un ava o avo (grandparent)
  • du-tia: la sore de la avo o de la ava (great-aunt); cualce relata fema du jenera asendente, estra la ava
  • du-tio: la frate de la avo o de la ava (great-uncle); cualce relata mas du jenera asendente, estra la avo

la jenera desendente par du[edita | edita la fonte]

  • neta: la fia de la fia/o (granddaughter)
  • neto: la fio de la fia/o (grandson)
  • nete: un neta o neto (grandchild)
  • dusobrina: la neta de la sore/frate (grand-niece); cualce relatada fema de du jeneras desendente, estra la neta
  • dusobrino: la neto de la sore/frate (grand-nephew); cualce relatada mas de du jeneras desendente, estra la neto

la jenera asendente par tre[edita | edita la fonte]

  • duava: la madre de la ava/o (great-grandmother)
  • duavo: la padre de la ava/o (great- grandfather)
  • tre-tia: la sore de la duava/o (great-great-aunt); cualce relatada fema de tre jeneras asendente, estra la duava
  • tre-tio: la frate de la duava/o (great-great-uncle); cualce relatada mas de tre jeneras asendente, estra la duavo

la jenera desendente par tre[edita | edita la fonte]

  • duneta: la fia de la fia/o de la fia/o (greatgranddaughter)
  • duneto: la fio de la fia/o de la fia/o (greatgrandson)
  • tresobrina: la duneta de la sore/frate (great-grand-niece); cualce relatada fema de tre jeneras desendente, estra la duneta
  • tresobrino: la duneto de la sore/frate (great-grand-nephew); cualce relatada mas de tre jeneras desendente, estra la duneto