Estingue lingual

De Vicipedia
Jump to navigation Jump to search
Dolly Pentreath, suposada tradisional como la parlor nativa final de corneica, en un depinta gravada, publicida en 1781

En linguistica, estingui lingual o mori lingual aveni cuando un lingua perde sua parlor nativa ultima. Par estende, estingui lingual es cuando la lingua no es plu conoseda, incluinte par aceles ci parla lo como lingua du.

Estingui lingual es un prosede en cual la grado de la capasia lingual de un comunia en sua varia de un lingua descrese, ultima resultante en no parlores nativa o fluente resta.

En la mundo moderna (sirca 1500 ce a oji, seguente la crese de colonialisme), la estingui de linguas ia es tipal la resulta de un prosede de asorbe cultural cual condui a un move a via e la abandona gradal de la lingua s orijinal, e la adota de un lingua franca stranjer, tipal los de paises european.

Per la desenio de 2000, un tota de sirca 7,000 linguas ia esiste tra la mundo. La plu de estas es linguas minor menasada par estingui; un estima, publicida en 2004, ia espeta ce alga 90% de la linguas parlada oji va es estinguida per 2050.

La mori de un lingua pote aveni en un de la modos seguente:

  • Mori gradal, lente tra un periodo de tempo;
  • Mori de basa a alta, la sesa de la usa de un lingua estra situas spesial, pe un lingua liturjial;
  • Mori de alta a basa, cuando la cambia de linguas comensa en un ambiente de un nivel alta, como la governa;
  • Mori radical, la desapare de un lingua cuando tota parlores sesa parla la lingua;
  • Mori subita, tipal par la elimina de la popla ci parla la lingua;
  • Erode de un lingua, la perde de capasia en la lingua a la nivel de la individua.

La prosede la plu comun cual resulta en la estingui de un lingua es un en cual un comunia de parlores de un lingua deveni bilingual en un otra lingua, e move gradal sua preferes de la lingua orijinal e a la lingua nova. Esta es un prosede de asorbe cual pote es volente o pote es forsada. Parlores de alga linguas, spesial linguas rejional o minor, pote deside abandona los per razonas de economia, usosia, o prestijia.

Linguas con un cuantia de parlores peti o isolida jeografial pote mori cuando sua parlores es estinguida par jenoside, maladias, o desastres natural.